​Vidal manah Arsenal leh Juventus inrem !

28th June 2015, 12:06AM

Juventus chuan an midfielder Arturo Vidal an chelh thei tawh dawn lo tih an inhriat avangin Bayern Munich defender Medhi Benatia an lei theihna tur khawp sum thehchhuaka Vidal lei tum an awm chuan hralh mai an tum niin express chuan a tarlang.

Vidal lei tum zingah Arsenal chu hmahruaitu an ni mek a, report thenkhatin a tarlan dan chuan Arsenal leh Juventus te hi Vidal manah an inrem tawh, hetih lai hian Copa America zawh hma chu Vidal chungchang hi Juventus chuan an ngaihtuah hrih dawn lo niin express chuan a tarlang bawk.

Arsenal chuan Chile International Vidal manah £21.2million thehchhuah an huam a, report thenkhatin an sawi dan chuan Vidal hian Europe Club lian zawm turin thutlukna a siam tawh, chu Europe club lian chu Arsenal nia sawi a ni bawk.

Italian Newspaper La Stampa chuan Juventus hian Bayern Munich defender kum 28 Benatia lak an tum ve mek a, Moroccan centre-half hi Manchester United pawhin lak an lo tum ve mek bawk a, Bundesliga champions hian Benatia manah £17.5m an chhiar nia tarlan a ni.

Photo Credit : Getty Images

Copyright © inkhel.com 2024. All rights reserved.