27 Mar 2015 08:39

Inkhel

Mizo Sports Website hmasa ber

Vermaelen a'n training a zawm ta

Barcelona defender Thomas Vermaelen chuan December thlaa zaipui a tawh hnuin a team-mate te training a zawm tan ve ta.

Kum 29 a upa Belgian defender Vermaelen hian nikum August thlaa £15m a Arsenal atanga Barca a zawm hnu khan World Cup-a a kaiza a tih nat avangin Barca tan a la inlan miah lova, thla leh atang hian competitive match khelh hman ngei a tum tih a sawi ta.

Vawiin khan an website ah Barca chuan training session titi chu Vermaelen lo let leh chungchang vek a nih thu an tarlang. Real Madrid an hneh hnua point li laia hma hruai fal tawh Barca hian 4th April hian Celta Vigo an hmachhawn leh dawna, hemi tura an inpuahchahna training pawh Vermaelen hian a zawm tluan thei tawh a ni.

Barca a zawm hma in Vermaelen hian Ajax ah bul tanin Gunners tan kum nga zet a khel ve tawh bawk a ni.