Manchester City chuan inrinni zan Premier League inkhelah Tottenham an lo mikhuala, City leh Spurs hi 2-2 in an inhnehtawk.

He inkhelah hian 2-2 a nih reng hnuah City chuan hun tawp hma deuh lawkin goal an khung emaw an ti a, corner atanga ball vawrh luh chu Aymeric Laporte chuan lo khawihin Gabriel Jesus-a’n a lo changa, Jesus hian chiang takin goal-ah a pet lut.

City an lawm hman hle a, injury-time a ni tawh bawk nen hnehna an chang ngei dawnin a lang hman. VAR chuan chiang zawka enin Jesus hmaa ball khawihtu Laporte hi a hand –ball avangin VAR hian Jesus-a goal hi a sut saka, team hnihte hi 2-2 in an inhnehtawk ta zawka, point khat ve ve an hlawhchhuak.

Inkhel zawhah Manchester City manager Pep Guardiola chuan VAR thutlukna chu an pawm a ngaih a thu sawiin, “VAR thultukna hi kan pawm a ngai a, hun tawp dawnah goal kan khunga, kah thutlukna kha pawm har viau mahse kan pawm mai a ngai a, a dik leh dik loh chu keimah ni lovin VAR buaipuitu te in zawh a ngai,” a ti.

Tun season atangin Premier League-ah VAR hman tan a ni a, team tam zawkin game hnih an khelh tawh laiin thenkhat chuan vawi khat bak an la khel lo. Game la tlem viau mahse VAR a inrawlhna a tam tawh viaua, tun season chhungin VAR hian khel a la hlawh dawn chauh a ni.