14 Nov 2019 11:51

bakteaJr.

Mizo tlangval

​VAR-in hma a sawn a ngai : Mike Riley

Premier League referee hlui; tuna referee lama an hotu ber Mike Riley chuan Premier League-a Video Assistant Referees (VAR) hman a nih dan chungchangah VAR chuan hma a sawn a ngai tih a pawm.

Kan hriat theuh angin Premier League-ah tun season atangin VAR hman tan a ni a, game 12 theuh team tinte chuan khel tawhin vawi eng emaw zah chu VAR hi a inrawlh tawha, referee thutlukna te pawh sut sak an ni fo tawh.

Tun kar Ningani khan Premier League club-te chu VAR hman a nih dan chunchangah an inhmukhawma, he meeting-ah hian Mike Riley pawh telin, ani hian VAR chungchang kimchang takin report a pe niin sawi a ni.

Sawi tawh angin VAR hi vawi eng emaw zat a inrawlh thawha, VAR thultlukna chungchangah inkhel entu te mai bakah pundit hrang hrangte pawh an lung a awi lo viaua, Premier League-a VAR hman a nih dan hian nasa takin sawiselna a tawk.

Professional Game Match Officials Limited (PGMOL) lama an general manager Riley chuan VAR chungchang sawiin, “Premier League leh Professional Game Match Officials Limited chuan tha zawka VAR hman a nih theih nan hma sawn zel kan tum a, fan-te hnenah thil awmzia te rang taka hriat tir zung zung a nih theih nan hma lak mek a ni,” a ti.

Tun season-ah VAR hman a nih chuan stadium chhunga inkhel entu te bakah TV lam atang lo thlirtu te chu thutlukna siam a nih dan te chu engkim chiang zawkin an hrilh fiah chho zel tawh dawn bawk a ni.