USAM Sports award 2018 chu October ni 25, Ningani zan dar 7:30 hian Hotel Floria, Rooftop, Aizawl-ah sem a ni dawn ta.

USAM Award hi tum thum sem a ni tawh a, kumin hian award chi hrang pasarih - Best Sportsman Award, Best Sportswoman Award, Best Young Male Player Award, Best Young Female Player Award, Best Coach Award, Best Promoter Award leh Sports Media Person Award te sem a ni ang.

Heng award te hian Citation, Momento leh sumfai thahnem tak a keng tel dawn a, a hrapaa khual lian awm lovin host Lalbiakdiki kaihruaina hnuaiah award dawngtute chu khual lian an ni dawn a ni.

USAM Sports Award Organising Committee chuan award chi hrang pasarihte dawng thei tur hming a chhawpchhuak a, heng nominees te atang hian award dawng tur an thlangchhuak leh ang.

Sports Award sem hnuhnun ber kum 2016 khan Ignite Studio, Khatlaah sem a ni a, hemi tum hian award chi hrang 8 sem a ni a, Cable TV pahnih LPS leh Zonet bakah Mount Everester Lalrintluangi hnenah chawimawina hlan an ni bawk.

Kum 2016-a tel lo Sports Media Person Award chu kumin hian telh thar leh a ni.

USAM Sports Award 2018 Nominees -

Best Sportsman award

1) Jeje Lalpekhlua (Football)

2) P.Lalchamliana (Powerlifting)

3) NT Lalbiakkima (Boxing)

4) Lalrina Renthlei (Snooker & Billiards)

Best Sportswoman award :

1) Lalremsiami (Hockey)

2) Lalfakmawii (Boxing)

3) Lalchhanhimi (Weghlifting)

Best Young Male player award

1) Jeremy Lalrinnunga (Weghlifting)

2) Jeho Himnakulhpuingheta (Table Tennis)

3) Jerry Mawihmingthanga (Football)

4) Lalrohlua (Sepaktakraw)

Best Young Female player award

1) Lalremsiami (Hockey)

2) Zonunsangi (Judo)

Best coach award

1) Lalrothuami (Hockey)

2) Malsawma Khiangte (Weightlifting)

3) H.Laldinsanga (Basketball)

4) Joseph Thansanga (Taekwondo)

Best Promoter award

1) CK Hyundai

2) LBS Suzuki

3) GIG Motors