04 Sep 2015 06:02

Inkhel

Mizo Sports Website hmasa ber

US Open : Serena-i'n record thar hnaih zel

Serena Williams chuan a career-a Calendar Grand Slam hmasa ber record nei turin hmalam a pan zel a, US Open 2015 -a a champion a nih chuan kumin Grand Slam title a hui vek dawn, chumi tur chuan ni thum niah Kiki Bertens a hneh leh ta.

Serena chuan second round-ah harsatna a tawk teuh hle, set hmasa berah 4-0 in Kiki Bertens chuan hma a hruai, mahse Serene hian Arthur Ashe Stadium-ah hian 7-6 (7-5) 6-3 in hnehna a chang leh ta a ni.

Second round Mipa lamah top seed Novak Djokovic chuan 6-4 6-1 6-2 in Andreas Haider-Maurer a hneh a, eight seed Rafael Nadal pawhin hnehna a chang leh a, Diego Sebastian Schwartzman chu 7-6 (7-5) 6-3 7-5 in Nadal hian a hneh a ni.

Champion lai Marin Cilic chu Arthur Ashe Stadium-ah kan hmu leh ta a, 6-2 6-3 7-5 in Cilic hian Evgeny Donskoy a hneh a ni. Wimbledon semi finalist leh 17th seed Grigor Dimitrov erawh a tla ta hlauh mai, 6-3 7-6 (7-2) 2-6 4-6 6-4 in World number 56 Mikhail Kukushkin chuan a hneh a ni.

picture credit : Getty