Kum khat chhung Grand Slam inelna hnuhnung ber US Open chu a hmawr kan bawk hnai ta a, mipa singles lamah quarter final a intum tur a hriat kim ta e. Olympic champion nilai Andy Murray chuan Grigor Dimitrov chuan lakah harsa lo takin hnehna a chang a, British no 1 hian 6-1, 6-2, 6-2-in a hneh. Murray a khel tha takzet a, third round lamah talbuai deuh mahse a hun takah ropui takin a khel chhuak. Murray hian quarter final-ah Japanese tlangval Kei Nishikori a hmachhawn ang.

Swiss Stan Wawrinka pawhin quarter final a lut ve bawk a, seeded no 3 Wawrinka hi Illya Marchenko lakah a talbuai hman teuh hle. Wawrinka hian 6-4, 6-1, 6-7, 6-3-in hnehna a chang a, quarter final-ah US Open champion hlui Juan Martin Del Potro a hamchhawn ang.

Novak Djokovic chua quarter final-ah Jo Wilfried Tsonga a hmachhawn dawn a, Gael Monfils pawhin Lucas Pouille a hmachhawn ve bawk ang. Tsonga, Monfils leh Pouille-te pathum hi French vek an ni.