04 Sep 2019 11:45

bakteaJr.

Mizo tlangval

​US Open : Federer a tla

US Open khelh mekah US Open-a vawi nga champion tawh Roger Federer chuan Quarter-Final-ah Bulgarian player Grigor Dimitrov a hneh lova, Semi-Final khel turin a invaw kai zo lo.

Kum 28 mi Dimitrov hian kum 38 mi Federer hi 3-6, 6-4, 3-6, 6-4, 6-2 in a hneha, Semi-final khel turin a invaw kaia, Dimitrov hian Semi-Final ah fifth seed Daniil Medvedev a hmachhawn ang.

Semi final lehlama khel tur a la hriat lova, Quarter-final inkhelah Matteo Berrettini chuan Gael Monfils hmachhawn dawnin, inkhel dangah Diego Schwartzman chuan Rafael Nadal a hmachhawn dawn bawka, heta chak ve ve te hi Semi-final ah an intawng dawn.

US Open-ah vawi thum champion tawh Novak Djokovic chu a tla tawha, tunah Federer a tla leh ta bawk nen US Open-a vawi thum champion tawh Nadal-a tan champion-na chance a tha hle a, tunah la tla lo zinga rinkai ber a tih loh theih loh a ni.