​US Open Day 4

05th September 2015, 02:09PM

US Open khelh chhunzawm zel a ni a, player langsarte an chak chho zel, September ni 4 khan Djokovic chuan Seppi a hneh a, TSonga pawhin Stakhovsky a hneh bawk. Champion lai Cilic chuan harsa takin Kukushkin a hneh bawk a ni.

Kum 28 mi Novak Djokovic chuan 25th seed Italian Seppi a bei tawk hle a, 6-3 7-5 7-5 in hnehna a chang hram, Novak chuan,"Set hmasa ber atang khan harsatna ka tawk nghal a, mahse theih tawp chhuahin ka bei chho a, ka chak ta a ni," tiin a sawi.

Champion lai Marin Cilic chuan Kazakhstan mi Mikhaili Kukushkin a hneh lo teuh hle a, darkar 4 leh minute 11 chhung an intum. Marin Cilic hian 6-7 (5-7) 7-6 (7-1) 6-3 6-7 (3-7) 6-1 in hnehna a chang hram a ni. Hetih lai hian Milos Raonic leh David Ferrer te erawh an tla a ni.

Hmeichhe lamah record ropui siam tum Serena Wiliiams a chesual teuh hle a, World number one hian hian set khatna a hloh hnuah 3-6 7-5 6-0 in Bethanie Mattek-Sands a hneh a ni. A unaunu Venus Williams pawhin 6-2 6-3 in Kasatkina a hneh a, Bouchard pawhin 7-6 4-6 6-3 in Cibulkova a hneh bawk a ni.

picture credit : Getty

Copyright © inkhel.com 2024. All rights reserved.