06 Sep 2015 08:46

Inkhel

Mizo Sports Website hmasa ber

​US Open : Bellucci hnehin Murray-a'n Last 16 thleng

Tukin zing khan Britain Andy Murray chuan Brazilian Thomaz Bellucci chu straight set-a hnehin US Open last 16 a invaw kai ta a, thawhtanniah Murray hian Kevin Anderson a hmachhawn ang.

Darkar hnih leh minute 11 chhungin Murray hian Bellucci hi 6-3 6-2 7-5 in a hneh a, Murray hian bul a tan tha hle a, mahse set hnuhnung berah erawh Bellucci chuan awlsam taka tlak mai a tum lova, thapui a rawn chhuah a, hetih lai hian third seed Murray chuan hnehna a chang ta tho a ni.

Bellucci a hmachhawn hma chiah khan Murray hian Mannarino a hmachhawn a, khelh harsa a tiin darkar thum lai an inkhel a nih kha, Murray chu tukina a khingpui straight set-a a hneh avangin a lawm hle a.

"Vawiina straight set-a ka chak hi a pawimawh khawp mai. He game hma chiah kha chu a hahtlak a, tha a heh em em bawk, vawiin erawh boruak a dai nuam deuh a, chu chuan chakna min pe a, straight set-in ka chak ta a ni. Ni khat hahdamna hun ka nei dawn a, ka khelh leh turah ka inbuatsaih lehnghal dawn a ni" tiin Murray chuan a sawi.

Last 16-ah Murray hian 14th seed Kevin Anderson hi a hneh ang em ? Anderson hi 6ft 8in-a sang a ni a, South African mi hi Austria mi Dominic Thiem hneha fourth round lut a ni. Kum 29 mi hian Flushing Meadows-a match thum a khelh tawhah serve drop vawi khat chiah a nei.

picture credit : Getty