Russian tennis star Maria Sharapova chuan facebook-a a official page hmangin 2015 US Open-a a tel theih loh tur thu a puang.
Thawhtanni hian US Open tan a ni tawh dawn a, Maria Sharapova chuan a ke hliam vangin a inhnukdawk ta tih a tarlang a ni.
"US Open-ah ka inlan thei dawn ta lo. Ka theih tawp chuan ka bei ve a, mahse a tawk zo lo a ni. Ka fans te ka hrilh duh chu, Asia ah rawn kir leh ka tum anga, kum tawp lam hrisel taka inkhelh ka tum dawn a ni," tiin Maria chan a tarlang.
Wimbledon atang khan Sharapova hian competition lian a la khel leh lova, tuna a inhnukdawk pawh hi rin sa a ni nghe nghe. Hetia Sharapova a inhnuhdawh takah chuan The US Tennis Association chuan Pathianni khan Russian Daria Kasatkina chu lucky loser niin, Sharapova ai a awh dawn ta a ni.
picture credit : Getty