Wimbledon champion lai Angelique Kerber chuan US Open khelh mekah Dominika Cibulkova a hneh lova, thirs round a paltlang zo lo.

Kerber hi Slovakian mi Cibulkova chuan 3-6, 6-3, 6-3 in a hneha, seeded no.29 chuan Wimbledon champion lai hi US Open atangin a vaw thla.

Tun US Open khelh mekah, hmeichhe singles bikah hian kumin Grand Slam la tawh chu an tla vek tawh a ni.

French Open champion lai Simona Halep pawh first round-ah tla tawhin, Australian Open champion lai Caroline Wozniacki chu second round-ah a lo tla tawh bawk.

Cibulkova hian round of 16-ah nikum finalist Madison Keys a hmachhawn ang.

Mipa singles-ah Roger Federer chuan Nick Kyrgios chu 6-4, 6-1, 7-5 a hnehin Round of 16 a lut. Round of 16-ah hian Federer hian Australian mi John Millman a hmachhawn ang.