13 Sep 2020 10:26

bakteaJr.

Mizo tlangval

​US Open 2020: Osaka a champion

US Open 2020 hmeichhe final chu nizan zanlai khan khelh a ni a, Japanese player Naomi Osaka chuan Belarusian player Victoria Azarenka hnehin, a champion.

Kum 22 mi Osaka hian kum 31 mi Azarenka lakah first set hloh mahse, a lehthala, Osaka hi 1-6, 6-3, 6-3 in a chaka, a US Open title pahnihna leh a Grand Slam title pathumna a la.

Osaka hi kum 2018 khan US Open title hi a lo la tawha, nikum khan Australian Open-ah a champion leh bawka, Azarenka erawh kum 2013 hnuah major final a thlen leh vawi khatna a ni.

Osaka chuan an inkhelh zawhah Azarenka tum hautak zia sawiin, “Final-ah ka tum peih tawh lo che, a nuam ka ti thlawt lo. Ka tan a hautak em a ni,” tiin Azarenka hnenah uang thutakin a sawi.

Sawi zelin Osaka chuan Azarenka hnehah, “Min nawr kal tu zinga mi pakhat i ni a, a chhan chu ka naupan deuh lai atangin i inkhel ka en nasa em em a, tunah pawh thil tam tak ka zirchhuah phaha, i chungah ka lawm hle a ni,” a ti bawk.

Zanin zanlai dar 1:30-ah mipa final an khel dawna, Alexander Zverev leh Dominic Thiem te final-ah hian an inhmachhawn dawn a ni.