07 Sep 2015 03:58

Inkhel

Mizo Sports Website hmasa ber

​US Open 2015 : Serena vs Venus kan hmu leh dawn e

Serena Williams chuan 19th seed Madison Keys hnehin quarter final a lut ta a, quarter final-ah hian a unaunu Venus Williams a hmachhawn dawn a ni.

Champion turin match thum chiah mamawh Serena hian a American puiMadison Keys lakah harsatna a tawk teuh hle a, mahse Serena hian 6-3 6-3 in hnehna a chang ta a ni. Kum 33 mi Serena hian tun tournament-a title a la a nih chuan a career-a calander Grand Slam hmasa ber a tawng dawn a, 1988-a Steffi Graft hnua hetiang dinhmun ding leh thei hmasa ber a ni dawn a ni.

Mipa lamah Top seed Novak Djokovic chuan Roberto Bautista chu 6-3 4-6 6-4 6-3 in a hneh a, champion lai Marin Cilic chuan harsatna lian tak tawk mahse Jeremy Chardy chu 6-3 2-6 7-6 (7-2) 6-0 in a hneh ta thova, quarter final a lut ve ta a ni. Marin Cilic hian Chardy a hmachhawn laiin a kheimit a ti na palh hlauh mai a, mahse theih tawpin a bei let leh a, hnehna a chang ta a ni.

19th seed Jo-Wilfried Tsonga pawhin 6-4 6-3 6-4 in Frenchman Benoit Paire a hneh a, quarter final a lut ve ta bawk a ni.

picture credit : Getty