Kum 5 hnuah a vawi khat nan Murray chuan US Open quarter final a thleng zo ta lova, tukin inkhel hmuhnawm takah South African Kevin Anderson chuan 7-6 (7-5) 6-3 6-7 (2-7) 7-6 (7-0) in Britain Andy Murray hi a hneh a ni.
Anderson hi 14th seed niin, a vawi khat nan Major quarter final a lut ve ta a, 4th round-ah hian Murray leh Anderson-te hi darkar 4 leh minute 18 zet an inkhel nghe nghe a ni. Anderson hian quarter final-ah Stan Wawrinka a hmachhawn ang.
6ft 8in laia sang Kevin Anderson hi a chak em em a, a serve na em em, kum 29 mi Anderson hian Flushing Meadows-ah hian record a nei tha em em a, Murray a hmachhawn hma match thumah serve vawi khat chiah a drop ! 4th round-ah Murray nen an inhmachhawn dawn tih hriat a nih khan Murray hian an hneh an ring chiah lo hlawm, rin ang ngeiin Murray chuan a hneh ta lo a ni.
Hmeichhe lamah fifth seed Petra Kvitova chuan fourth round-ah Briton Johanna Konta 7-5 6-3 in Arthur Ashe Stadium-ah a hneh a, kum 24 mi Konta hi British tennis star rawn ni chho tura ngaih ni mahse beisei aiin hma a sawn muang deuh.
A zawna match 16 lai hnehna chang chho ngar ngar Konta-i record chu Petra Kvitova chuan a tih tawp sak ta a, Kvitova chuan,"Match tan atang khan a khel chhe zawk ka ni chho, mahse theih tawpin ka serve ka fimkhur ta a, ka chance tha ka zawng ngar ngar a ni," tiin a sawi.
picture credit : AP & Getty