09 Sep 2015 03:47

Inkhel

Mizo Sports Website hmasa ber

​US Open 2015 : A unaunu hnehin Serena-in Semi final lut

Flushing Meadows-ah Venus Williams chuan a unaunu Serena Williams tan harsatna a siam teuh hle, set khatna Serena hian a la a, set hnihna erawh Venus-in a la, set thumna erawh Serena chan a ni. Serena chuan 6-2 1-6 6-3 in hnehna an chang ta a ni.

Kum 33 mi Serena hian semi final-ah Italian Roberta Vinci a hmachhawn ang. Serena hian kumin Major tournaments-a champion vek a tum a, 1988 hnuah ti thei dang an la awm lo, chumi hlawhchhuak tur chuan Serena chuan theih tawp a chhuah mek.

"Ani kha Tennis player ka hmachhawn tawhah chuan tawhkhirh ber a la ni. Thian tha ber ka hmachhawn a, hmeichhe tennis-ah chuan player ropui ber pakhat a ni. Vawiin kan inkhel chu rin ang ngeiin a hautak hle mai," tiin Serena chuan a sawi.

Mipa lamah Defending US Open champion Marin Cilic chuan 6-4 6-4 3-6 6-7 (3-7) 6-4 in Jo-Wilfried Tsonga a hneh a, darkar thum leh minute 58 lai an inkhel. French star Jo-Wilfried Tsonga hian a khup a ti hliam palh hlauh mai. A duhthusamin a khel thei ta lo a ni.

"Set ngana kha chu a hautak hle mai, taksa chakna a zo tawh, rilru paukhauhna hmangin set ngana kha chu ka khel a ni, a lum em em bawk a, a tawp thlengin ka bei ta a ni," tiin Cilic chuan a sawi. Cilic hian semi final-ah Feliciano Lopez hnehtu top seed Novak Djokovic a hmachhawn dawn a, tukin khan Djokovic hian 6-1 3-6 6-3 7-6 (7-2) in Lopez hi a hneh a ni..

picture credit : Getty & EPA