06 Jul 2018 08:42

inkhel

​Uruguay vs France

Zanin hian quarter-final khelh tan a ni dawn a, khel hmasa ber turte hi Uruguay leh France-te an ni a, dar 7:30-ah an inkhel ang.

Team pahnihte hian kumin World Cup-ah chakloh an la nei lo ve ve a, Uruguay hian Round of 16-ah Portugal 2-1 a hnehin quarter-final an lut a, France hian quarter- final lut tur hian Argentina 4-3 in an hneh ve thung.

Uruguay tan Edinson Cavani a inlan thei lo maithei a, Portugal nena an intum tuma a hliam a la dam chiang lo. A dam hman ta lo a nih chuann Middlesborough player hlui Cristhian Stuani chuan a hmun ruak a luah rin a ni.

France tan Juventus midfielder Blaise Matuidi chuan yellow-card vawi hnih a hmuh tawh avangin a khel thei dawn lova, starting-line up-ah Bayern Munich midfielder Corentin Tolisso a rawn kir a rinawm.

Predicted Line up -

Uruguay : Muslera, Laxalt, Godin, Gimenez,Caceres, Torreira, Vecino, Bentancur, Nandez, Suarez, Cavani / Stauni.

France : Lloris, Pavard, Umtiti, Varane, Hernandez, Kante, Pogba, Tolisso, Griezmann, Mbappe, Giroud.

He match hi Nizhny Novgorod Stadium, Nizhny Novgorod khuaa khelh a ni dawn a, Argentine referee Pitana Nestor-a'n a ham ang.

World Cup-ah Uruguay hi an la chak veka, goal khat chiah an la chhuah. France hian goal li an chhuah tawh a, Denmark an draw pui tih loh chu an la chak vek.

France hi Uruguay an tum hnuhnung pariatah vawikhat chiah an la chak a, vawi thum chak lovin vawi li an in draw a ni. An intum hnuhnun ber hi kum 2013 –ah khan niin friendly match-ah Uruguay hi si khat faiin an chak.

World Cup-ah France hian Uruguay an la hneh ngai lova, vawi khat an chak lova, vawi hnih an in draw.

France hi South American team an tum hnuhnung pakua-ah chak loh an nei lova, Uruguay hi kum 2010 hnua an quarter-final luh leh vawikhatna a ni.

Kumin World Cup-a Uryguay goal hnuhnung pathumte hi Edinson Cavani-a khung vek an ni.