Manchester United tan chuan he thu hi chanchin tha a ni hauh lo mai. Champions League Group stage khel turin qualifying khelh an mamawh, qualifying-ah hian United hian Monaco emaw, Lazio emaw, Sporting Lisbon emaw an hmachhawn thei dawn tlat mai le.
Van Gaal leh a hote hian kum khat Champions League an khelh loh hnuah season tharah khel turin an inbuatsaih leh mek a, Premier League-ah 4-na an nih avangin Champions League Group stage khel tur chuan qualifying an hmachhawn phawt a ngai dawn.
Champions league title vawi 3 la tawh Manchester United hian 2004 finalist leh season liamta last 16-a Arsenal lo hneh tu Monaco chu a hmachhawn thei dawn tlat mai, a nih loh pawhin Lazio emaw Sporting Lisbon emaw an ni thei bawk. Heng team hnih te pawh hi team khawng tak an ni tlat.
Anderlecht, CSKA Moscow, Fenerbahce, Panathinaikos, Rapid Vienna, Sparta Prague leh Young Boys te pawh United hmachhawn theih zingah an tel. August ni 7-ah United hmachhawn tur a hriat theih dawn a ni. 1996 atanga 2014 chhung khan Sir Alex Ferguson-a enkawlna hnuaiah Manchester United chuan a zawnin Champions League -ah vawi 18 lai an inlan a, qualifier hi kum 10 liamta khan an khel a, Hungarian club Debrecen hnehin Group stage-ah an inhlangkai a nih kha.
United hmachhawn thei te chu :
Club | League-a an dinhmun | European Cup-a an chetthat dan |
Anderlecht | 3rd in Belgium | Semi-finals (1982 and 1986) |
CSKA Moscow | 2nd in Russia | Quarter-finals (2010) |
Fenerbahce | 2nd in Turkey | Quarter-finals (2008) |
Monaco | 3rd in France | Finalists (2004) |
Lazio | 3rd in Italy | Quarter-finals (2000) |
Panathinaikos | 2nd in Greece | Finalists (1971) |
Rapid Vienna | 2nd in Austria | Semi-finals (1961) |
Sparta Prague | 2nd in Czech Rep. | Quarter-finals (1966, 1968 and 1985) |
Sporting Lisbon | 3rd in Portugal | Last 16 (1958, 1962 and 2009) |
Young Boys | 2nd in Switzerland | Semi-finals (1959) |