Kum tina an tih angin Manchester United chuan 2014-15 season player of the year an thlang a, United fans te a hranin an thlan thin hi Sir Matt Busby Player of the Year award an ti kher thin a, chu leh Man Utd player ten an thlan a awm bawk a, chutah chuan Dea Gea chu United player of the year atan thlan ve ve a ni.

Sir Matt Busby Player of the Year award hi a zawnin kum hnih a la ta a, he award a dawnnaah hian Dea Gea hian thu a sawi, mahse Man Utd-a a cham tur leh tur loh a la sawi chiang duh tlat lo mai. United chuan kar khat chhunga £200,000 lai hlawh turin an thlem, mahse tun thlengin thutlukna a la siam lo, Dea Gea hi kan hriat theuh angin Real Madrid chuan nasa takin an tlem mek a, Spanish Media Marca phei chuan Real Madrid nen inrem tawh ang hialte pawhin an lo tarlang tawh nghe nghe a ni.

Dea Gea chuan he award pahnih a dawnnaah hian thu sawiin,"Kan boss-in a sawi angin, khawvela fans nei tha ber kan ni. In chungah lawmthu sawi ka duh a ni. Ka kiangah an awm reng a, khawi hmunah pawh kal mah ila an rawn zin ve zel a, kan tan chuan an va hlu tak em. Ka la naupang a, traning naah leh inkhelhnaah hma sawn zel ka duh, player dangte ang bawkin kei pawhin hma sawn zel ka duh a ni," tiin a sawi.

Manchester United boss Van Gaal chuan,"Dea Gea hi hrilh duh ka nei a ni. Attacking Football ngaina ka ni a, chutih laiin goalkeeper in award a dawng daih hi tha ka ti lo hle a ni. Mahse heti hian ka ngaihtuah a, kan inkhelh hmasak ber leh season chawhnu lam ka ngaihtuah hian nang aia hma sawn United player an awm lo. United fans te thutlukna hi kei pawhin ka pawm e, ka lawmpui tak zet che, i phu a ni," tiin a sawi.