Manchester United chuan Bologna forward Zirkzee chu an la lut ngei dawn niin a lang ta a, mimal thilah United leh Bologna forward te hi an inrem tawh niin The Athletic chuan a tarlang.

Hetih lai hian a man chungchangah erawh Bologna leh United an la indawr chho zel dawn. Zirkzee-a release clause €40million (£34m) chu United hian an pe tla nghal dawn a, mahse a man tur chungchangah erawh Bologna nen an la indawr leh dawn nia report a ni.

Kum 23 mi Zirkzee hian season liamta khan Serie A-ah hun a hmang tha hle, league goal 11 a khung bakah, assist vawi 5 a nei a, Thiago Motta team kha Champions League khel thei dinhmunah a hlangkai bawk.

Manchester United hian Everton centre-back Jarrad Branthwaite lak tumin lei dilna an thehlut tawh niin The Athletic chuan a tarlang bawk. Tin Red Devils hian Zirkzee-a chipui Matthijs de Ligt lak tumin hma an la mek nia report a ni bawk.