Manchester United chuan Jadon Sancho hralh an duh a, a man pawh £40m  an chhiar niin BBC chuan a tarlang.

Season liamta chawhnu lamah khan Sancho hian a club hlui Dortmund tan loan-in a khel a nih kha. 

Kum 24 mi hian German club chu Champions League final a luhpui, Real Madrid lakah an chak lo.

Erik ten Hag-a'n United a enkawl chho zel dawn a nih chuan, Sancho hi Old Trafford-a kir lehna chance a tha lem lo niin BBC chuan a tarlang. Hei vang hian United-a kum 2 contract la nei hian a contract a hmang zo lo maithei.

Dortmund chuan loan bawka Sancho hawh leh an duh, hetih lai hian Manchester United chuan hralh mai an duh dawn niin BBC chuan a tarlang a, a manah pawh £40m an chhiar nia report a ni bawk.

Financial Fair Play bawhchhiat an duh loh avangin United chuan an tana tangkai vak lo chu hralh mai an hnial dawn lo, Sancho hian kum 2021 July thla khan Dortmund atangin £73m in Old trafford a pan, kum hnih daih contract a la nei mek.

Europe club lian thenkhatin Sancho hi an ngaihven nia report a ni a, Manchester City Academy chhuak hi Juventus chuan lak tumin hma an la chho dawn mek nia tarlan a ni bawk.