11 Feb 2019 09:36

inkhel

​United-in OGS an la nghet dawn?

Manchester United chuan a tha nghah nana an rawih lailawk Ole Gunnar Solskjaer chu season tawpah a ngheta lakluh zui an tum niin chanchinbu mi lar tak takte chuan an sawi.

Chanchinbu mite sawi danin OGS hian game 11-ah vawi 10 a chakpui tak avangin OGS hi a ngheta lakluh mai an tum niin a langa, United hian Norwegian manager hi tun season thlawp thleng atan chauh an ruai lailawka, interim manager tih kher a niin, United hi nikum December thla atanga enkawl tanin vawikhat mah a la tlawmpui lo.

OGS hian club enkawl lai a nei sa a, United hian Norwegian club Molde atangin an hawh mai chauh a ni. OGS hian Molde neitute chuan United enkawl tura an duhsak zia a lo sawi tawh a, United hian an duh phawt chuan a ngheta a club hlui enkawl chu a hnial lo hle ang.

The Sun tarlan danin, United board lam hian thutlukna an siam fel vek tawh a, OSG hi rawih ngheh an tum a mahse season tawp hma chu engmah puanzar an tum lo. United co-chairman Avram Glazer chuan United-in 3-0 a Fulham an hneh zawhin hemi chungchangah OGS hi a bia a, Avram Glazer-a co-chairman pui Joel Glazer pawhin a thlawp hle niin sawi a ni bawk.

United executive chairman Ed Woodward erawhin Tottenham manager Mauricio Pochettino a la duh fan niin a langa, season tawpah an hnena thlem luh a tum dawn nia sawi a ni bawk. Mahse Tottenham hian an manager hi contract thar an ziah pui chauh nen United hnena an chhuah tir mai a rinawm lova, hemi a nih avang hian an lakluh theih chiang sa OGS chu a ngheta an lakluh mai a rinawm zawk a ni.