18 Oct 2020 03:25

bakteaJr.

Mizo tlangval

United-in nuamsa takin Newcastle an hneh

Premier League inkhelah Manchester United chuan St.James’ Park-ah Newcastle an tlawha, Manchester United hian 4-1 in hnehna an changa, point 3 an hawn.

He inkhela Newcastle goal neih chhun hi United left-back Luke Shaw-a own goal a ni a, United tan hian captain Harry Maguire, Bruno Fernandes , Aaron Wan-Bissaka leh Marcus Rashford chuan goal khat theuh an khung.

Khelh liah Manchester United hian point 6 an hlawhchhuak tawha, 14-naah an awm mek. Newcastle hian khelh ngaah point 7 hlawhchhuak tawhin, 11-naah an awm ve mek bawk.

United hian an game hnuhnung berah Tottenham chu 6-1 zetin an hneh lova, an mualpho hle. Newcastle lakah an che chhe zui nghala, inkhel an tan chiaha Luke Shaw chuan an lamah tilut palin, Newcastle in si khat faiin hma an hruai.

20mins velah Fernandes chuan goal a khung zeta, mahse goal build-up naah Juan Mata chu a offside avangin Fernandes-a goal hi pawm a ni lo. Hemi hnu deuh law hian United-in an si phurh an sut ta tho va, Mata-a’n corner atanga ball a vawrh luh chu, tun hnaia sawisel tawk nasa tak Maguire chuan goal-ah a lo tauh lut.

1-1 in first half a tawpa, second an khel; darkar khat khelh a nih hma lawkin, United-in penalty an hlawhchhuaka, Fernandes chuan petin, Newcastle goalkeeper Darlow chuan a lo save sak.

Hun tawp lam thleng 1-1 a nih reng hnuah, United hian hun tawp dawnah goal thum ngawt an khunga, 86mins-ah counter attack mawi tak atangin Fernandes chuan goal a khunga, United hi hma a hruaipui.

89mins-ah Wan-Bissaka chuan United goal thumna a khunga, Wan-Bissaka hian nalh taka Rashford a in one-two pui hnuah, goal a khung zuia, 3-1 niin, United tana a goal hmasa ber a ni.

3-1 hian inkhel a tawp mai dawna a lan hnuah, United lamin goal an khung leha, goal khungtu hi English forward Rashford a ni a, rin loh takin 4-1 in inkhela tawpa, United hi an chak nuamsa hle a ni.

Newcastle 1-4 Manchester United

(Shaw 2’) (Maguire 23’, Fernandes 86’, Wan-Bissaka 90’, Rashford 90+6’)

Player Ratings

Newcastle: Darlow 8, Krafth 6, Fernandez 6, Lascelles 5, Lewis 5, Hayden 5, Shelvey 6, Hendrick 5, Saint-Maximin 6, Joelinton 4, Wilson 5..subs: Schar 5, Almiron N/A, Fraser 5.

Manchester United: De Gea 8, Wan-Bissaka 7, Lindelof 5, Maguire 8, Shaw 7, Fred 6, McTominay, 6 Mata 7, Fernandes 7, James 6, Rashford 8.. subs: Matic N/A, Pogba 6, Van de Beek 7.