United-in Disasi an hnaih zel

08th June 2023, 06:06PM

Manchester United chuan AS Monaco defender Axel Disasi chu lakluh an tum mek a, an hnaih tawh viau niin chanchinbu mite chuan an tarlang.

French centre-back manah hian Monaco hian euro maktaduai 40 an chhiar a, hei hi United chuan harsatna awm lovin an thehchhuak nia tarlan a ni a, Disasi hi tun nipui bazara United player lakluh hmasak ber a ni dawn niin a lang.

French chanchinbu L’Equipe chuan United hian Disasi hi an hnaih tawh hle niin an tarlang ve bawk a, mahse Goal chuan club hnih te inkarah Disasi-a chungchagah hian official-a indawrna a la awm lo niin an ziak ve thung.

United captain Harry Maguire chu tun nipuiah a input chhuah a rinawm a, Maguire a chhuah dawn avangin United manager Erik ten Hag chuan Disasi hi a duh nia sawi a ni a, Red Devils hi Napoli defener Kim min-Jae nen pawh sawizawm an ni.

United hian kum 25 mi Disasi hi an lalut a nih pawhin, South Korean defender Kim pawh hi an dawr leh tho a rinawm a, United hian Mason Mount leh Declan Rice te pawh lakluh an tum bakah, striker leh goalkeeper thar lakluh an tum bawk niin chanchinbu mite chuan an ziak a ni.

Copyright © inkhel.com 2024. All rights reserved.