Manchester United executive te chuan Liam Delap an titipui a, an hmachhawp tam tak an hrilh niin The Athletic chuan a tarlang.

Kum 22 mi Delap hi Ipswich Town chuan Manchetser lama zin an phalsak a, he forward hmabak eng tak hi Chelsea pawhin an ngaihven hle bawk a ni.

Delap hian release clause £30million ($40m) a nei a, Premier League atanga Ipswich Town an relegate takah chuan, loh theih lohin release clause hi a nung ta a ni.

Delap hian tun season-ah Premier League goal 12 a khung a, player naupang zingah chuan Europe-a hot ber pakhat a ni mek.

United chuan kum 25 Cunha chu an hnaih zel bawk a, June ni 1-a transfer window inhawn huna lak turin United chuan indawrna hi an kalpui mek a ni.

Matheus Cunha hian release clause £62.5m vel a nei a, mimal thilah chuan inremna a nei tawh niin The Athletic chuan a tarlang a, hetih lai hian United hian Wolves an la dawr lo thung.