Manchester United chuan hmatawng lam thuam that an tum hle niin a lang, Italy lam atanga report thenkhat chuan Fiorentina winger Federico Chiesa chu €55m-in lei an tum dawn niin an tarlang.

Chiesa hi Serie A team lian Juventus leh Inter Milan te pawhin an ngaihven mek nia report a ni bawk a. 2016/17 season atang khan club lian ho mit fukna a la ni chhunzawm zel.

Kum 22 mi, season liamtaa Fiorentina tana assist vawi 9 nei thei Chiesa hi Manchester United chuan €55m-in an dawr niin La Nazione chuan a tarlang.

Manchester United leh Jadon Sancho sawizawm mek an ni a, Sancho-a man hi a to dawn hmel hle a. Tin, a hlawh pawh a sang khawp ang. Heng te a nih avang hian United chuan Sancho an la thei lo an nih pawhin hmun dangah thang an kam niin a ngaih theih bawk.

Chiesa hi kum 22 mi lek a la ni a, 2016 atang khan Fiorentina senior team-ah a inlan tan. Fiorentina tan game 134 a khel tling tawh a, goal 25 a khung tling tawh bawk.