Thla hmasa lawk khan Tottenham midfielder Christian Eriksen hi Real Madrid nen sawi zawm a ni a, tunah erawh Manchester United lam a hawi dawn niin English chanchinbu te chuan an tarlang.

Spanish chanchinbute report Mirror-in a tarlan chhawn dan chuan January transfer window inhawn hunah United chuan £42m velin Danish International hi lak an tum dawn niin a lang a, inbiakna pawh an nei tawh nia report an awm nual bawk.

Kum 27 mi Eriksen hi Real Madrid nen sawi zawm ni mahse United-ah hmun a chan tam zawk a inrin avangin Spain lam a hawi ta lo nia report mek a ni. Red Devils boss Ole Gunnar Solskjaer chuan an attacking lam thuam chak a duh nia sawi mek a ni bawk.

Tunah hian Tottenham hian Eriksen hi an chhuahtir a nih loh chuan nakum nipuiah free agent-in a chhuak thei dawn. Contract thar an ziahpui thei dawn lo a nih chuan chhuahtir hunlai tak a ni dawn a ni.

Kum 2013 khan Eriksen hian Ajax atangin £12m-in kum 5 leh a chanve chhung atan Spurs hi a zawm a, season dang anglo takin tun season hi a khel tha lo kher mai. Chhuah a rilruk mek nia sawi pawh an awm nawk bawk.

Hetih lai hian Spurs boss Pechettino chuan Eriksen-a khel chhe chho chu chhanin club tan a theihtawp a la chhuah mek thu leh Spurs a zawm tirha a rilru put hmang ang tho kha a la put chhunzawm zel thu a sawi mek bawk a ni.