10 Jan 2019 01:32

Inkhel

Mizo Sports Website hmasa ber

​United-ah Manolas leh Coutinho?

Kum dangah chuan December thla tawp atang hian club lian ten transfer thawm an nei tan thin. Kumin erawh thawm a dai deuh hlek na a, Chelsea-in Christian Pulisic chu £58million vela lei an tum tih thawm a rawn ri, hemi hnu atang chuan club lian dang pawh an rawn ri chho ta tluar tluar a.

Manchester United leh Philippe Coutinho pawh sawi zawm mek a ni a, thawm a awm tirhin he thil hi nuihzatthlak mai niin lang mahse tunah chuan thawm a lian chho tan ta hle mai. Liverpool chhuahsanin Coutinho hian Barcelona a pan a, Camp Nou-ah erawh a inbengbel hleithei lo. Hengte a nih avang hian Philippe Coutinho hian club lian dang zawm a rilruk mek niin English media te chuan an tarlang.

Ole Gunnar Solskjaer chuan United tlarhnung pawp reng chu thawm that a duh hle tih a chiang, tunah hian United leh Greek defender Kostas Manolas sawi zawm mek a ni a, ani hi kum 27 mi niin tunah hian Roma tan a khel mek. Spanish chanchinbu Marca tarlan dan chuan United hian Kostas Manolas hi an hnaih tawh hle a, a manah pawh £30million lai an thehchhuak dawn a ni.

Premier League club lian ten player langsar an lak nual a rinawm, competition a hautak zual zel a, transfer lian tham thleng nual turin beisei teh ang.