United-ah Jones a nghet.

30th June 2015, 06:06AM

English defender Phil Jones chuan kum 2019 June thla thleng daih turin Manchester United tan contract thar a ziak.

Kum 23 mi Jones hi defence emaw midfield-ah a chhawr theih a, kum 2011 khan Blackburn Rovers atangin United hian an lalut a kar khatah £80,000 vel a hlawh rin a ni.

Contract thar hi a ziahfel hnuin Jones chuan, "Inremna thar kan siam thei hi ka lawm a, ka zawm tirh atangin he club hi nuam ka la ti a hmasawn zel pawh ka tum. He club hi a lian a season thar ka nghakhlel khawp mai." tiin a sawi.

Jones hian Manchester United tan game 128 a khel tawh a, England national team tan pawh game 17 a khel tawh bawk a ni.

Copyright © inkhel.com 2024. All rights reserved.