​Umtiti a positive

15th August 2020, 05:08AM

Barcelona chuan an defender Samuel Umtiti chu COVID-19 a positive thu an puanga, mahse Umtiti hi squad bula a awm loh lai tak a nih avangin eng mah hlauhthawn tur a awm lo hlauh.

French defender Umtiti hi a inhliam sa hrim hrima, Champions League quarter final inkhelah pawh Bayern Munich hmachhawn thei lo sa niin, Ningani khan Barca training ground-ah test niin, a lo positive.

Umtiti hian symptoms a nei lova, damdawi inah pawh awm lovin, tunah hian a inah a inkhung hrang mek.

Barcelona hi Champions League quarter final-a Bayern Munich hmachhawn turin Lisbon-ah an awm meka, hetah hian Umtiti a inhliam avangin a zin ve lo.

Barcelona chuan Umtiti a positive chungchangah thuchhuah siamin, “Ningania COVID-19 test neihah first team player Samuel Umtiti chu a positive a, player hian symptom a nei lova, a hriselna a tha in, in lamah a inkhung hrang mek a ni,” an ti.

Copyright © inkhel.com 2024. All rights reserved.