11 Sep 2018 11:35

inkhel

Umpire ten Williams-i match boycott dawn?

US Open 2018 Women’s Singles final-ah vawi 23 grand slam la tawh Serena Williams leh Naomi Osaka-te an inhmachhawn a, Osaka hi champion in a vawi khat nan grand slam title a la.

Kan hriat theuh angin he match-ah hian Serena Williams chet dan a mawi lo hle a, umpire Carlos Ramos chuan Serena hi box atang khelh dan tur inhrilha puhin warning a pe a, hei hi Williams hian a duh lo hle a, umpire hi a an khum chiam.

Williams hian Portuguese umpire hi a au nawmnah a ni ber a, ‘rukru’ leh ‘dawheh’ tiin a kova, umpire chu a laka thupha chawi turin a phut chiam bawk. US Open final-a a chet dan avang hian Williams hi pawisa chawi tir niin, mi tam takin an dem laiin, mi tam takin chair umpire Carlos Ramos hi an dem ve bawk.

Williams tantute zingah Women’s Tennis Association chu a langsar pawl an ni. Thil kal zelah umpire-te chu an tangrual dawn hle niin a langa, Serena Williams-i khelh tur match reng reng chu tumahin an veng duh dawn lo niin thawm a ring hle.

International Tennis Federation lam erawhin umpire Ramos hi an thlawp hle thunga, dan ang thlap bakin Ramos hi a chet loh thu an tarlag.

Ramos hian Williams hi warning a pek hnuah game khat a laksak bawk a, hei hi Williams chuan hmeichhia a ni vanga hetianga ti niin Ramos hi a puh.

Williams hian dan pakhat aia tam a bawhchhia a, umpire a an khum hrep bakah hian a racket a vawm chhia a, box atang a coach nen thil an inhrilh ngei ni pawhin a lang. Williams hian inkhelh zawhah tournament referee biak dil mahse, a dilna chu hnawlsak a ni.

Umpire-te chuan Williams-i’n Ramos-a laka thu pha a chawi hma chu Williams-i match zawng zawng hi boycott an tum niin media-te chuan an ziak nasa hle a, thu chiang erawh a la awm lo a ni.

Williams leh a coach-te hian khelhan tur inhrilh lo mahse, an inbiak hi phal a ni lo hrim hrim a, kheldan tur an in hrilh lova, Williams-i hi a thiam zawk a nih pawhin umpire an khum kha a tih dan tur a ni chuang lova ni.