Golden Joystick Awards neih zawh takah Resident Evil 2 chu Ultimate Game of the Year atan an thlang.
1998 kuma an lo siam chhuah tawh Resident Evil an siam thar leh hian fak a hlawh hle a, London khawpuia chawimawina an semah game tha berah hian an thlang ta a ni.
Mi maktaduai 3.5 vel zette chuan kuminah hian vote an thlak a, category hrang hrang 24 zet an siam a, heng category hrang hranga chawimawina dawng tur hi an thlang chhuak hlawm a. Kumin hi chawimawina an sem kum 37-na a ni.
Sega tana hun rei tak lo inhmang tawh, tun hnaia mobile games lam buaipuitu, gaming legend Yu Suzuki chu Lifetime Achievement chawimawina an hlan.
2018 kuma Ultimate Game of the Year atana an thlan Fortnite chuan Best e-Sports title chawimawina a dawng a, he game siam chhuaktu Epic Games chu Studio of the Year atan an thlang bawk a. Fortnite player Ewok chu Best Streamer a ni ve bawk a ni.
Apex Legends chu multiplayer game zinga tha berah an thlang a, Days Gone chu games zinga thawnthu nei tha berah an thlang bawk a. Minecraft pawhin Still Playing Award a dawng a, Devil May Cry 5 chu Best Visual Design chawimawina an hlan bawk.
Chawimawina dawngtute:
Best Storytelling: Days Gone
Best Multiplayer Game: Apex Legends
Still Playing Award: Minecraft
Best Visual Design: Devil May Cry 5
Best Indie Game: Outer Wilds
Esports Game of the Year: Fortnite
Best Audio: Resident Evil 2
Best Game Expansion: GTA Online - Diamond Casino Update
Best VR/AR Game: Beat Saber
Best Gaming Hardware: Nvidia 20-series Super graphics cards
Best Performer: Logan Marshall-Green
Studio of the Year: Epic Games
Best New Streamer/Broadcaster: Ewok
Breakthrough Award: House House
Mobile Game of the Year: BTS World
Outstanding Contribution: Life is Strange
PC Game of the Year: World of Warcraft Classic
PlayStation Game of the Year: Days Gone
Xbox Game of the Year: Gears 5
Nintendo Game of the Year: Super Smash Bros. Ultimate
Most Wanted Game: Cyberpunk 2077
Critics Choice Award: Control
Lifetime Achievement: Yu Suzuki
Ultimate Game of the Year: Resident Evil 2