Tottenham leh West Ham striker hlui Serhiy Rebrov chu Ukraine head coach thar atan ruat a ni.
Kum 1992 leh 2006 inkar khan kum 49 mi hian Ukraine tan game 75 a khel a, chumi atang chuan goal 15 a khung. Head coach ni tur hian kum 3 chhung atan contract a ziak.
Serhiy Rebrov hian Ruslan Rotan a thlak a, Rotan hi Oleksandr Petrakov ban a nih hnua interim boss atana an chhawr a ni.
Rebrov hi 2010 leh 2011 inkar khan Ukraine assistant coach a ni a, Dynamo Kiev leh Ferencvaros pawh a lo enkawl tawh thin bakah tun hnai mai khan Al-Ain a enkawl.
Charity match-ah June ni 12 hian Ukraine chuan Germany an tum dawn a, June ni 16 hian Euro 2024 qualifier-ah North Macedonia an hmachhawn dawn bawk.
Rebrov hian Tottenham tan game 60 a khel hman a, West Ham-a a cham chhungin game 27 a khel hman bawk.