UK sawrkar chuan kan hmaa Thawhtanni lo awm tur, June thla ni 1 atang hian an ramah infiamna chitin khelh chhunzawm an phal thu an puang.

UK-ah hian infiamna chhunzawm phal ni mahse a hmuna entu mipui punkhawm erawh khap tlat a la ni a, June thla atang chuan UK lam pawh an inthlahdul chho tan hle dawn.

Hetianga UK sawrkarin thu a chhuah takah chuan Premier League lam pawh rokhawlhna a awm thut a nih loh chuan tum ang ngeiin June ni 17 atangin an khel chhunzawm thei dawna, June thlaah chuan football mai ni lovin, sports dang te pawh en tur a awm chho leh viau dawnin a lang.

Hetiang hian sports khelh chhunzawm phalna thu hi sawrkarin chhuah mahse, sport discipline tinte thu thuah a bak chu a awm dawna, an duh chuan an chhunzawm lo thei bawk dawn.

Horse Racing (sakawr intlansiak) chu Thawhtanni hian neih nghal a ni dawna, hei hi March thlaa coronavirus avanga engkim khailak hnua sports discipline chhunzawm leh hmasak ber tur zinga mi a ni.