03 Aug 2019 10:00

bakteaJr.

Mizo tlangval

​UK-ah AJ ka hnek dawn lo hrim hrim – Ruiz

Unified world heavyweight champion lai Andy Ruiz chuan Anthony Joshua chu UK-ah engti kawng mahin a hnek dawn lo tih a sawi.

Thla hmasa June ni khat khan Ruiz hian AJ hi Madison Square Garden-ah a hneha, AJ-a title kawl laite chhuhsakin tunah hian rematch nei turin an inpuahchah mek.

He rematch hi Wales khawpui Cardiff-ah Principality Stadium-a neih a nih a rinawm ber meka, mahse Ruiz chuan UK-a AJ hnek a tum loh avangin eng nge thleng zel dawn a la hriat loh.

Principality Stadium bakah hian Madison Square Garden hming pawh a ri ring hle a, an inhnekna tur hmun hi a la chiang hleithei lo.

Ruiz chuan, “UK-ah hian engti kawng mahin AJ ka hnek dawn lo.Madison Square Garden-ah bawk hian inhnek leh ka chaka, Los Angeles-a The Staples Centre-ah pawh a chakawm hle a ni,” a ti.

An fight hmasa contract-ah khan AJ hian rematch theihna a nei a, hemi a nih avang hian Ruiz hian AJ hian rematch a duh a nih chuan a hnial thiang lo. Cardiff-ah he rematch hi nghah a niha, Ruiz hi a sawi anga a kal duh lo tak tak a nih chuan a heavyweight title kawl laite chu chhuhsak a ni thei dawn a ni.