Pathianni zing khan Atlanta, Georgia, USA-ah UFC 236 neih zawh a ni leh ta a, main event-ah Dustin Poirier leh Max Holloway an insual hmuhnawm takah unanimous decision-in Poirier a chak a, UFC Interim Lightweight Champion thar a ni a, MMA record-a hnehloh la neilo Khabib Nurmagomedov-a nen UFC Lightweight Championship match-ah an intum dawn ta a ni. Israel Adesanya-a chuan insual hmuhnawm takah decision-in Kelvin Gastelum a hneh bawk a, interim champion thar niin; UFC Middleweight Champion Robert Whittaker-a nen championship match-ah an insual dawn ta a ni.

UFC interim Lightweight Champion thar Dustin Poirier

Mixed Martial Arts khawvelin a nghakhlel tawh hle a, Octagon chhunga fighter te an luh phat atangin boruak a sang hle. Round 1 leh 2 an inbeih chhungin Dustin Poirier an a nawr na hle a, chiang tak maiin a hnek fuh thin a, Holloway erawh a tuarfei hle thung a, a theih ang tawkin a bei leh thin. Round 3 na atangin Holloway a che tha chho thung a, combination punch hmangin a hnek fuh chho, kutthlak nat lamah erawh Poirier a phalo hle tih a hriat. Round 4 naah Holloway-a'n chak ngei tumin a nawr leh thin a, a che tha chho dawn nia a lan laiin Poirer-an a khup hmangin a do fuh, thisen a chhuak nasa nghal hle a, Holloway erawhin nawr chhunzawm zel a tum. Round tawp ber a ni tawh, chak ngei an tum tih a hriat a, an inhnek tawn mawlh mawlh a, an insual pawh a zo ve leh mai a, judge te mithmuhah unanimous decision-in Dustin Poirier chakah puan a ni a, interim lightweight Champion thar a ni ta.

Interim Middleweight Champion Israel Adesanya

Co-main event-ah Israel Adesanya leh Kelvin Gastelum an in insual thung a, mipui beisei ang ngeiin a hmuhnawm hle nghe nghe . Round hmasa berah Gastelum-a'n a kut dinglam hmangin a hnek thlu, Adesanya erawh insiam rem nghal vatin a buailo hle. Round 2 naah Adesanya a che tha chho ve leh, chiang tak maiin a hnek thlu ve leh, tawnhriat ngah tawh Gastelum-a'n a inpawmchilh nghal vat, reilo te hnuah round pawh khelh zawh a ni leh ta. Round 3 naah Gastelum-an a paih thlu a, rang takin Adesanya a tho leh thung a, chiang taka inkhawih fuh a awm meuhlo a ni ber. Round 4 an thlen meuh erawh chuan Gastelum a che tha ve leh thung a, Adesanya-a nghawng ah chiang takin a pet fuh, hetah hian Adesanya a buai deuh hman, paih thluk ngei a tum zui, Adesanya erawh a inveng thiam nasa si a, reilo te hnuah round pawh an zo ve leh. Championship round-ah erawh Adesanya a che tha hle thung a, vawi eng emaw zat a hnek thlu a, Gastelum erawh thisen chhuak nasa viau mahse, tlawm mai tum lovin a nawr leh thin. Reilo te hnuah unanimous decision-in Adesanya chak zawka puan a ni a, Interim Middleweight Champion thar a ni ta bawk.

Fight dang pawh a hmuhnawm

Bout dang pawh a hmuhnawm hle a, Khalil Rountree-a chuan decision-in Eryk Anders a hneh a, round 2 naah vawi tam Rountree-an a hnek thlu a, Anders erawh a tuarfei hle a, round 3 a khel chhuak thei hram. Dwight Grant-a chuan decision-in Alan Jouban a hneh bawk a, main card hmasa berah Nikita Krylov-a chuan a hneh tawhloh Ovince Saint Preux lakah shiva a la a, second round-ah submission hmangin a hneh bawk.

Main Card

Lightweight

Dustin Poirier def. Max Holloway, Round 5, (Decision)

Middleweight

Israel Adesanya def. Kelvin Gastelum, Decision (unanimous) (48-46, 48-46, 48-46)Round5, 5:00

Light Heavyweight

Khalil Rountree Jr. def. Eryk Anders, Decision (unanimous) (30-26, 30-26, 30-26)Round 3, 5:00

Welterweight

Dwight Grant def. Alan Jouban, Decision (split) (29-28, 27-30, 29-28)Round 3,5:00

Light Heavyweight

Nikita Krylov def. Ovince Saint Preux, Submission (rear-naked choke)Round 2,2:30

Preliminary Card

Lightweight

Matt Frevola def. Jalin Turner, Decision (unanimous) (30-27, 30-27, 30-27)

Flyweight

Alexandre Pantoja def. Wilson Reis, TKO

Welterweight

Max Griffin def. Zelim Imadaev, Decision (majority) (29-27, 29-27, 28-28)

Bantamweight

Khalid Taha def. Boston Salmon, TKO (punches)

Early Preliminary Card

Welterweight

Belal Muhammad def. Curtis Millender, Decision (unanimous) (29-27, 29-27, 30-26)

Bantamweight

Montel Jackson def. Andre Soukhamthath, Decision (unanimous) (30-26, 30-27, 29-27)

Women's Flyweight

Poliana Botelho def. Lauren Mueller, Decision (unanimous) (29-28, 29-28, 29-28)

Bantamweight

Brandon Davis def. Randy Costa, Submission (rear-naked choke)