Sunday zing khan UFC Fight Night 172 chu Fight Island, Abu Dhabi-ah neih zawh niin; Deiveson Figuereido chuan first round-ah rear naked choke hmangin Joseph Benavidez a hneh. Flyweight champion thar a ni zuiin, submission hmanga Benavidez hneh thei hmasa ber record a siam
bawk.
UFC Fight Night 169 khan Figuereido leh Benavidez-te hi an lo insual tawh a, UFC 169-ah Figuereido hi technical knockout hmangin chak mahse, pound 2 ngawta a rih tur aia a rih avangin flyweight champion a ni ta lo anih kha.
UFC Fight Night 172-ah phei chuan Figuereido hian a hma aiin a sawp zawk. Dar a rik phat atangin Figuereido a chungnung nghal hle, an kutthlak a in nat hleih tih a langsar viau bawk, first round an tan atanga rei vak lovah right hook hmanga Benavidez a hnek thluk hnuin a kiu hmanga nghawk chawrh chawrhin, theihtawp chhuahin Benavidez a inveng, rear naked choke-in a tlawm tawh dawn niin a lang hman. A tawnhriat tawhna hmang tangkaiin a talchhuak thei hram a, a hnu rei vak lovah Figuereido hian hnek thlu lehin Benavidez erawh a tho leh vatin, vawi thum nan hnek thlu lehin rear naked choke-in Benavidez a man fuh leh. Hetah zet zawng Benavidez a talchhuak thei ngang lova, Figuereido chu flyweight champion thar a ni ta bawk. Commentator te chuan, "Flyweight ka hriat tawha kutthlak na ber tiin, " an sawi hial.
Co-main event-ah Jack Hermansson chuan heel hook hmangin Kelvin Gastelum hneh bawkin, title fight nei thei tura a dinhmun a sawhngheh te pawh a tih theih ang. Lightweight bout-ah Rafael Fiziev chuan Marc Diakiese chu unanimous decision hmanga hneh bawkin, Ariane Lipski chuan kneebar submission-in Luana Carolina lakah a chak. Main card bout hmasa berah Alexandre Pantoja chuan Askar Askarov lakah unanimous decision-in a tlawm bawk.
Fight card
Flyweight
Deiveson Figuereido Def. Joseph Benavidez, Round 1, Submission
Middleweight
Jack Hermanssondef.Kelvin GastelumSubmission (heel hook)Round 1, 1:18
Lightweight
Rafael Fizievdef.Marc DiakieseDecision (unanimous) (30-27, 29-28, 29-28)
Round 3, 5:00
Women's FlyweightAriane Lipskidef.Luana CarolinaSubmission (kneebar)
Round 1, 1:28
Flyweight
Askar Askarovdef.Alexandre PantojaDecision (unanimous) (29-28, 29-28, 29-28)
Round 3, 5:00
(adsbygoogle = window.adsbygoogle || []).push({});