Pathianni zing hian Mixed Martial Arts khawvel nghahhlelh, MMA fighter zinga striker tha ber pahnih Stephen Thompson leh Anthony Pettis-te chu Octagon chhungah an insual dawn ta a, India ram atang chuan Sony Six channel-ah zing dar 5:30 am atangin a en theih ang.
Anthony Pettis-a hi 155 lbs, lightweight category-ah champion a lo ni tawh thin a, inhliam neuh neuh nei chhovin a title belt a hloh zui a, tunah erawh chona lian zawk hmachhawn turin a intih rit chho a, 155 lbs vela khel thin kha 170 lbs-ah a khel chho dawn ta a, a tumpui tur lah fighter naran a ni dawnlo, vawi hnih ngawt title challenger pawh lo ni tawh Stephen Thompson a hmachhawn nghal dawn.
MMA striker tha leh rothap sawi dawn ila, Thompson aia ropui zawk sawi tur an awm vak bik awm lo e. NCAA Division 1 Wrestler Johny Hendricks knockout hmanga a hneh dan te, a che zia mak lutuk leh a kutthlak rang lutuk avangin hriat a hlawh hle. Anthony Pettis-a pawh a khel a hmuhnawm thei viau a, a che rang a, ground game-ah pawh submission hmanga a tumpuite tlawm dan a hre hle thung. Octagon chhunga a inlan hnuhnung ber khan Tony Ferguson-a nen an insual a, mi tam tak phei chuan MMA Fight awm tawh zawnga ropui ber zingah an ngai hial a, hetiang taka fighter thothang tha anih angin a che vel a hmuhnawm leh viau ang.
Fight dang pawh hmuhnawm hle tura rin niin; Heavyweight Fighter rothap Curtis Blaydes leh Justin Willis an insual dawn a, championship match tluka ropui thei tura rin theih a ni. Lightweight fighter John Makdessi a inlan dawn bawk a, hei mai bakah Jussier Formaga a inlan dawn bawk a, insual tur dang hmuhnawm tak tak pawh a awm bawk.
Main card
Welterweight
Stephen Thompson vs. Anthony Pettis
Heavyweight
Curtis Blaydes vs. Justin Willis
Lightweight
John Makdessi vs. Jesus Pinedo
Flyweight
Jussier Formiga vs. Deiveson Figueiredo
Catchweight (148.5 lbs)
Luis Peña vs. Steven Peterson
Women's Flyweight
Maycee Barber vs. JJ Aldrich
Preliminary Card
Featherweight
Bryce Mitchell vs. Bobby Moffett
Bantamweight
Frankie Saenz vs. Marlon Vera
Women's Flyweight
Alexis Davis vs. Jeight
Women's Strawweight
Randa Markos vs. Angela Hill
Bantamweight
Ryan MacDonald vs. Chris Gutierrez
Flyweight
Eric Shelton vs. Jordan Espinosa