Inrinni zan khan St Petersburg, Russia-ah UFC event zawh fel a ni leh ta a, main event-ah Alistair Overeem leh Alexey Oleinik an insual a, first round-ah technical knockout-in Overeem a chak a, co-main event-ah Islam Makhachev-a chuan Arman Tsarukyan a hneh bawk.

Russia mipuiin Overeem leh Oleinik an hmu chak a, Octagon chhunga fighter te an rawn luh hma atangin boruak a sang hle. Fight an tan phat atangin Oleinik-an a inpawmchilh nghal a, Overeem-an a bawhbet zui nghal, Oleinik-a chuan remchangah hman tumin submission-in man beh a tum viau a, Overeem erawh a inveng thiam hle a, reilo te hnuah a tal chhuak ve maia, ding chungin an insual zui.

Hemi hnu rei vak lovah Oleinik-an chiang zetin a hnek fuh a, knockout ngei tumin a kuttum a thlawh chhuak mawlh mawlh a, an inpawmchilh apiangin Oleinik-an a pum lamah a hnek thin, Overeem erawh a buailo hle a, a khup hmangin a do leh thin. Mipui thawm pawh a ring tha viau a, Oleinik-an chak ngei tumin nawr viau mahse, Overeem-an a khup hmangin chiang zetin a do fuh a, hemi hnu hian a tlu zui nghal a, chiang zet maiin a hnek fuh mawlh mawlh a, referee inrawlh nghal vatin technical knockout-in Overeem chak zawka puan a ni zui.

Co-main event-ah Islam Makhachev-a chuan Arman Tsarukyan decision hmangin a hneh bawk a, an insual tantirh atanga a tawp thleng an inbuan nasa dun hle a, mipui thawm pawh a ring tha viau. Round 3 an inbeih chhungin an inhnek meuhlo a, an inpawmchilh nasa angreng viau a, Islam Makhachev-an tharum chakna hman a tum viau thin a, a chang changin paihthlu thei mahse, Arman Tsarukyan-a lakah erawh a duh angin a che theilo thung. Round 3 an khelh zawh hnuah erawh Islam Makhachev chak zawka puan a ni.

Heavyweight bout-ah Sergei Pavlovich-a chuan Marcelo Golm knockout-in a hneh bawk a, Roxanne Modafferi-i chuan split decision-in Antonina Shevchenko lakah hnehna a chang bawk. Main card insual hmasa berah Krzysztof Jotko leh Alen Amedovski an insual bawk a, unanimous decision-in Krzysztof Jotko a chak bawk .

Matches

Heavyweight

Alistair Overeem def. Alexey Oleinik, TKO(Round 1, 4:45)

Lightweight

Islam Makhachev def. Arman Tsarukyan, Decision (unanimous) (30-27, 30-27, 29-28)Round 3,5:00

Heavyweight

Sergei Pavlovich def. Marcelo Gol, KO (punches)Round 1, 1:06

Women's Flyweight

Roxanne Modafferi def. Antonina Shevchenko, Decision (split) (29-28, 28-29, 29-28)Round 3, 5:00

Middleweight

Krzysztof Jotko def. Alen Amedovski, Decision (unanimous) (30-25, 30-26)

Preliminary Card

Featherweight

Movsar Evloev def. Seung Woo Choi, Decision (unanimous)

Welterweight

Sultan Aliev def. Keita Nakamura, Decision (unanimous)

Lightweight

Alexander Yakovlev def. Alex da Silva Coelho, Submission (modified guillotine choke)

Heavyweight

Shamil Abdurakhimov def. Marcin Tybura, TKO (punches)

Light Heavyweight

Michał Oleksiejczuk def. Gadzhimurad Antigulov, KO (punches)

Lightweight

Magomed Mustafaev def. Rafael Fiziev, TKO (spinning back kick