Mixed Martial Arts khawvel nghahhlelh insual hmuhnawm a thleng leh dawn ta. Zanin dar 10:30 pm hian UFC Fight hmuhnawm tak thlir tur a awm leh dawn a, insual turte an hrawl hlawm bawk a, a tawp bera insual tur pahnih Alexander Gustaffson leh Anthony Smith-te phei chu hmaih phal chi a ni lovang.
Khawvel Fighter rothap kan sawi dawn apiangin Gustaffson leh Anthony Smith-te hming hi sawi hmaih chi a ni lo. Octagon chhunga Gustafsson a inlan hnuhnun berin Jon Jones a hneh lova, hetih lai hian Jones a hnehloh hmasak zawka an insual chu Octagon chhunga insual awm tawh azawnga hmuhnawm ber zinga ngaih a ni thung. Gustaffson-a hmachhawn tur Antony Smith pawh a duailo hle. Octagon chhunga a inlan hnuhnun berin Jon Jones lakah unanimous decision-in a chak lova, nimahsela minute 25 teh meuh mai Jon Jones a insualpui thei erawhin fak a hlawh hle.
Palian si, che rang si kan sawi dawn chuan Gustaffson kan sawilo thei awm lo e. Champion tura beiseiawm zinga mi Glover Texeira knockout hmanga hneh tawhtu a ni a, a kutthlak nat em avangin a kuttum tuar lovin fighter tam tak a lo hneh tawh bawk. Zawhna awm thei erawh chu Anthony Smith-a hmaah a kut ranna a hmang tangkai thei ang em? Brazilian Ju jitsu black belt, inpawmchilh thiam tak Anthony Smith-a hian UFC Champion hlui pahnih Shogun Rua leh Rashad Evans-te pawh first round naah a hnek tlawm ve ve a, inpawmchilh mai pawh ni lo, inhnek pawh a thiam hle tih a chiang.
Co-main event pawh hmuhnawm hle tura rin a ni a, Jimi Manuwa leh Aleksandar an innuai dawn bawk a, chak tur rinthiam a har hle. Fight dangah pawh insual hmuhnawm tak tak thlir tur a awm nual bawk ang.
Main Card
Weight class
Light Heavyweight
Alexander Gustafsson vs. Anthony Smith
Light Heavyweight
Jimi Manuwa vs. Aleksandar Rakić
Featherweight
Makwan Amirkhani vs. Chris Fishgold
Lightweight
Damir Hadžović vs. Christos Giagos
Featherweight
Daniel Teymur vs. Sung Bin Jo
Preliminary Card
Welterweight
Rostem Akman vs. Sergey Khandozhko
Women's Bantamweight
Tonya Evinger vs. Lina Länsberg
Lightweight
Stevie Ray vs. Leonardo Santos
Lightweight
Nick Hein vs. Frank Camacho
Women's Bantamweight
Bea Malecki vs. Eduarda Santana
Light Heavyweight
Darko Stošić vs. Devin Clark
Lightweight
Joel Alvarez vs. Danilo Belluardo