Mixed Martial Arts khawvel ngaihven leh thlir chak UFC Fight hmuhnawm tak chu Pathianni zing dar 5:30 am atangin Sony ten 2 channel-ah a en theih dawn e. He fight card-ah hian fighter tawnhriat ngah tak tak an inlan nual dawn a, bout tawp bera hmeichhe fighter pahnih insual tur chu UFC Women's Strawweight Champion hlui Joanna Jedrzejczyk leh champion ni thei tura beisei ber zinga mi Michelle Waterson insual tur hi a nghahhlelhawm awm tawha, chak tur rinthiam a har viau.
MMA striker piang tawh zinga striking combination tha ber zinga ngaih Joanna-i hian Rose Namajunas-i laka title belt a hloh hnuin champion ni turin a dinhmun siamthat a tum chho hle a. Hemi hnu rei vak lovah Tecia Torres-i lakah unanimous decision hmanga hnehna changin, champion calibre anih zia a lantir zuia, UFC Women's Flyweight Championship match-ah Unanimous decision hmangin a chaklo ta hlauh a, hemi hnu hian a khelhna thin Strawweight category-ah khel leh turin thuthlukna a siam zui.
Hetih lai hian striking leh submission lama duailo zet mai Michelle Waterson-i hmaah fiahna a paltlang a ngai dawn a. Waterson-i hian tun hnaiah nasa takin hmasawnna a nei chho a, Octagon chhunga a inlan hnuhnun berin title challenger hlui Karolina-i lakah decision hmangin hnehna a chang nghe nghe a. Karolina-i hi Joanna leh Waterson te hian unanimous decision-in an lo hneh ve ve tawh nghe nghe. Waterson-i chuan Joanna nen an intum tur chungchang sawiin, "Joanna ka hneh chuan title fight ka neih ngei ka ring takzet, ka hneh ngei pawh ka ring, " tiin a inhrosa nasa hle.
Co-main event-ah UFC Veteran Cub Swanson leh submission thiam hmingthang tak Kron Gracie an insual dawn thung a, undefeated fighter Kron Gracie-a tan Cub Swanson hneh chu kawng awlsam a ni thei lova, Cub Swanson-a tan pawh title fight a neih theihna tur atan a pawimawh viau ang.
A fa neih atanga thla thum awr a liamta tihah submission specialist Mackenzie Dern a inlan dawn bawk a, Octagon chhunga a inlan hnuhnun berah a rih tur aia ritin sawisel a hlawh angreng hle a, tunah erawh a rih tur aia rit tawh lovin, a weight khelhna tur 115 pounds-ah a inlan thei dawn ta. Lightweight fighter feet 6'3 inch zet maia sang James Vick a inlan dawn bawka, Niko Price nen Octagon chhungah an insual dawn bawk. Middleweight bout-ah Eryk Anders leh Gerald Meerschaert an insual bawk ang.
Fights
Main Card
Women's Strawweight
Joanna Jędrzejczyk vs.Michelle Waterson
Featherweight
Cub Swanson vs. Kron Gracie
Welterweight
Niko Price vs. James Vick
Women's Strawweight
Mackenzie Dern vs. Amanda Ribas
Lightweight
Matt Frevola vs. Luis Peña
Middleweight
Eryk Anders vs. Gerald Meerschaert
Preliminary Card
Light Heavyweight
Ryan Spann vs. Devin Clark
Lightweight
Thomas Gifford vs. Mike Davis
Welterweight
Max Griffin vs. Alex Morono
Flyweight
Deiveson Figueiredo vs. Tim Elliott
Bantamweight
Marlon Vera vs. Andre Ewell
Welterweight
Miguel Baeza vs. Hector Aldana
Middleweight
Marvin Vettori vs. Andrew Sanchez
Women's Flyweight
JJ Aldrich vs. Lauren Mueller