Madison Square Garden,New York City-ah UFC 295 chu neih zawh niin; main event nghahhlelhawm takah Alex "Poatan" Pereira chuan light heavyweight kawnghren inchuhna ah second round knockout hmangin Jiri Prochazka a tuk tlawm . Fight langsar dangah interim heavyweight kawnghren inchuhna ah first round knockout hmangin Tom Aspinall chuan Sergei Pavlovich a hneh bawk. Fight card dang pawh knockout leh technical knockout vekin a tawp. 

Main event-ah light heavyweight kawnghren inchuhna hautak a thleng a, New York mipui sing chuang pungkhawm hmaah Alex Pereira chuan bul a tan tha a tih theih. A ke lek chhuakin Jiri Prochazka a pêt thlu tawp a, rang taka rawn tho leh nghalin striking range lama kalpui chi anih lohna hriain Prochazka chuan inpawmchilh tumin a nawr tan.

Kickboxing champion tawh anih na Pereira chuan hmang tangkaiin a pêt nawn leh thin a, Prochazka a din danah a buai deuhin a lang. Remchang a hmuh velah thir hung ah Prochazka chuan nawr betin gullilotine choke hmangin Pereira chuan a lo man bet ve thung. Prochazka chuan a tharum chakna hmangin a titlu thei ta hram. Hemi hnu hian bawhbet chhunzawm nghalin a kiu hmang ten a chhu zui. Hnuailam atang Pereira inveng chungin talchhuah a tum deuh ngar ngar. Hun tawp tepah Pereira chu a talchhuak thei hlauh a, dar ri zui nghalin round hmasa ber chu Prochazka a chungnung hretin a lang.

Second round-ah Jiri Prochazka chuan a din dan thlakin a nawr zawkah a tang chhunzawm. Knockout tuma Pereira a va nawr hnuin left hook a dawng nawlh a, tlu zui mah se takedown tuma va nawr nghalin Pereira chuan a chum mawlh mawlh a, a kiu hmanga chhu zui lehin Prochazka zang thal zawngin tlu. Referee Marc Goddard chu inrawlh nghalin an inkhawih nat hmain a threlh hman a, Prochazka erawh a lan danah a luhai lutuk lo niin a hriat theih a, insual chhunzawm tir se insiamremna hun a nei mai thei a tih theih.

Hemi hnu hian secund round knockout -in Alex Pereira chu chakah puan niin; MMA khawvelah vawi 11 chiah la insual mah se, MMA inelna sang berah middleweight leh lightheavyweight champion a ni ta der mai. Pereira chuan an insual zawha an kawmnaah, "Adesanya hi ka hmachhawn leh chak, " tiin a cho zui nghal. 

Co-main event lamah Tom Aspinall chuan interim heavyweight kawnghren inchuhna ah first round knockout hmangin Sergei Pavlovich a tuk tlawm bawk. Round tir lamah Pavlovich chuan chiang taka hnek fuhin mipui an ri deuh hluai a, hemi hnu rei vak lovah Aspinall chuan a chet ranna hmang tangkaiin a kut dinglam hmanga chiang taka a hnek fuh hnuin Pavlovich a talbuai a, hnek chhunzawm lehin a hnek thlu ta nge nge. A hnek thluk hnuin a khawih zui a, a khawih tam lutuk hmain referee inrawlh vat thung. Heti hian Tom Aspinall hi Michael Bisping leh Leon Edwards hnua Britain atanga UFC champion leh thei hmasa ber a ni.

Women's straw weight bout-ah Jessica Andrade chuan second round TKO hmangin Mackenzie Dern a hneh bawk a, lightweight bout-ah Benoit St Denis chuan first round knockout-in Matt Frevola a tuk tlawm bawk. Main card opener-ah Diego Lopes chuan knockout hmangin Pat Sabatini a hneh bawk

Main card

Light Heavyweight 

Alex Pereira def. Jiří Procházka, KO (punches and elbows) Round 2, 4:08 

Heavyweight 

Tom Aspinall def. Sergei Pavlovich KO (punches) 

Round 1, 1:09 

Women's Strawweight

Jéssica Andrade def. Mackenzie Dern, TKO (punches) 

Round 2, 3:15 

Lightweight 

Benoît Saint-Denis def. Matt Frevola KO (head kick) 

Round 1, 1:31 

Featherweight 

Diego Lopes def. Pat Sabatini KO (punches)