Tukin zing khan UFC 261 chu Jacksonville, Florida, USA-a VyStar Veterans Memorial Arena-ah neih a ni a, title fight pathum awmin, pahnihin an title an humhina, champion thar pakhat UFC-in an nei.
Main even-ah fight nghahhlelhawm tak kan hmu a, UFC welterweight champion lai Kamaru Usman leh mipui te duh rawn Jorge Masvidal inhmachhawnin, Usman hian chiang takin hnehna a changa, a title a humhim.
Usman leh Masvidal te hi nikum July thla khan UFC 251-ah an lo inhmachhawn tawha, Usman hian unanimous decision-in hemi tum hian hnehna a chang.
UFC 261-ah erawh a dan a danga, Usman hian fighter chungnung zawk a ni tih a lan tir a, first round-ah chiang takin Masvidal hi a paih thlu. Masvidal hian leg kick a hmang tangkai viaua, mahse Usman hian second round-ah chiang em emin Masvidal hi a knock-out a, UFC welterweight champion a ni chhunzawm zel a ni.
Main event hma chiah hian hmeichhe lam strawweight championship kan hmu a, UFC hmeichhe stawweight champion hlui Rose Namajunas chuan champion lai Zhang Weili hnehin UFC Women’s Strawweight champion thar a ni.
Namajunas leh Weili-te hi an intum rei lo hle a, Namajunas hian first round-ah chiang takin Weili hi a lu ah petin, a bawhzui nghala, referee-in fight titawpin, Namajunas hi a chaka , UFC-ah hmeichhe zinga division pakhata vawi hnih champion ni thei hmasa ber leh awm chhun a ni.
UFC 261-a title fight hmasa berah hmeichhe flyweight champion lai Valentina Shevchenko chuan Jessica Andrade hnehin, a title a kawl zui zel.
Shevchenko hian UFC hmeichhe strawweight champion hlui Andrade hi a hneh awlsam hle a, first round a thunun hnuah, second round-ah technical knock-out hmangin a chak zui.
Title fight pathum bakah hian main card-ah fight dang pahnih a awma, fight hmasa berah Anthony Smith chuan Jimmy Crute chu round khatnaah TKO hmangin a hneh.
Middleweight bout-ah Uriah Hall leh UFC middleweight champion hlui Chris Weidman-te an inhmachhawna, Weidman hian first round-ah a ngal ruh titliakin, Uriah hi chaka puan a ni.
UFC 261 result:
Main card-
Welterweight
Kamaru Usman (c) def. Jorge Masvidal KO (punch) 2 1:02
Women’s Strawweight
Rose Namajunas def. Zhang Weili (c) KO (head kick) 1 1:18
Women’s Flyweight
Valentina Shevchenko (c) def. Jéssica Andrade TKO (elbows) 2 3:19
Middleweight
Uriah Hall def. Chris Weidman TKO (leg injury) 1 0:17
Light Heavyweight
Anthony Smith def. Jimmy Crute TKO (doctor stoppage) 1 5:00
Preliminary Card
Welterweight
Randy Brown def. Alex Oliveira Submission (rear-naked choke) 1 2:50
Welterweight
Dwight Grant def. Stefan Sekulić Decision (split) (28–29, 29–28, 29–28) 3 5:00
Middleweight
Brendan Allen def. Karl Roberson Submission (ankle lock) 1 4:55
Featherweight
Patrick Sabatini def. Tristan Connelly Decision (unanimous) (30–27, 29–28, 29–28) 3 5:00
