April thla ni 24-ah neih tur UFC 261-ah title fight kan hmu dawna, UFC hmeichhe flyweight champion lai Valentina Shevchenko chuan UFC hmeichhe strawweight champion hlui Jessica Andrade lakah a title humhim a tum dawn.
UFC hian hmeichhe flyweight champion hi Shevchenko bak an la nei lova, hmeichhe lama flyweight champion hmasa ber hi kum 2018 December thla khan zawn niin, hetah hian Shevchenko chuan Joanna Jedrzejczyk a hneha, hemi hnu hian vawi li a title a humhim tawh.
Shevchenko hian a flyweight title hi Jessica Eye, Liz Carmouche, Katlyn Chookagian leh Jennifer Maia-te lakah a humhim tawha, a title a humhim hnuhnun ber hi UFC 255 khan Maia lakah hian a ni.
Andrade hi a hma chuan strawweight lamah awmin, a zawna vawi hnih a chak loh hnuah flyweight lamah a chho a, flyweight-ah hian fight vawi khat nei tawha, Chookagian chu technical knock-out hmangin a hneha, title a nei zui nghal dawn a ni.
UFC 261 line-up chiang tawh te:
- Valentina Shevchenko vs. Jessica Andrade – for UFC women’s flyweight title
- Uriah Hall vs. Chris Weidman
- Jimmy Crute vs. Anthony Smith
- Danaa Batgerel vs. Kevin Natividad