UFC middleweight champion Israel Adesanya chuan UFC 248-ah a vawi khat nan a title humhim a tum dawna, UFC 248-ah hian Adesanya chuan UFC middleweight champion hlui Yoel Romero a hmachhawn dawn.

UFC 248 hi kumin March thla ni 7 hian Las Vegas-ah neih a ni dawna, main event tur hi tih chian a ni lo renga, tunah erawh tih chian ni dawn tawhin UFC middleweight championship fight kan hmu dawn niin a lang.

Adesanya hian nikum October thla khan Robert Whittaker hnehin middleweight title hi a hlawhchhuaka, Paulo Costa hmachhawn tura ngaih ni mahse Costa hian a inhliam avangin a la in fight lawk thei dawn lova, Romero chuan champion nih lehna chance tha a nei dawn ta a ni.

UFC a luh hnuah Adesanya hian hneh loh a la tawng lova, Whittaker a hneh tawh bakah Kelvin Gastelum leh Anderson Silva –te pawh lo hneh tawhin tunlai fighter kaltluang ber zinga mi a ni.

Sawi lan tawh angin UFC 248-ah hian Adesanya leh Romero te hi main-event an ni dawn a, co-main event-ah UFC strawweight champion lai Zhang Weili chuan Joanna Jedrzejczyk-i lalah a title humhim a tum ve bawk dawn a ni.