Pathianni zing khan Las Vegas, USA-ah UFC 245 chu neih zawh a ni ta a, Welterweight lalpa Kamaru Usman-a chuan 5th round-ah TKO hmangin Covington a hneh a, Welterweight champion a ni chhunzawm. Hun rei tak atanga Featherweight lalpa ang hiala chhal Max Holloway-a chuan Alexander Volkonovski-a lakah a featherweight kawnghren a hloh thung a, Amanda Nunes-i chuan a ropuizia lantir nawn lehin Women's Bantamweight Champion a ni chhunzawm.

Welterweight lalpa Kamaru Usman

UFC 245-ah hian main event-ah Usman leh Covington an insual a, Octagon chhung an luh hma atangin mipui atang thawm pawh a ring tha hle. Covington-an entrance music atan WWE wrestler hlui Kurt Angle-a entrance music hla 'You Suck' a rawn hmang a, Las Vegas khawpuia mipui tam tak thawm a tiring zual. Kamaru Usman rawn lut ve nghalin rei vakloh hnuah referee-in insual turin a ti, fighter pahnihte hian touch glove pawh an duhlo.

Dar a ri, Covington-an a tihdan thinin a nawr nghal char char, wrestling game hman an tumlo dun hle a, fighter pahnihte hi an inhnek fuh deuh sawk sawk thin a, luhai khawp erawh an awmlo. Mipui lam atangin USA USA tih thawm a ring tha viau a, a chang leh Colby Colby tih a ri leh thin. Round hmasa pahnih chu Covington a che tha deuh hlek zawk niin a lang a, Covington-an tihpalh thil thua Usman-a kap a do fuh, reilo te chawlh a ngaih phah a, hemi hnu hian a mit a kawm palh sak leh hlauh a,reilo te chhung insual chawllh lailawk a ngai hial. Third round naah erawh Covington-an Usman-a kut dinglam na zet a dawng fuh ta si, Covington khabe ruh a tliak zui. Covington erawh a khel zui leh thei a, Usman-a che tha chho leh ta thung.

Round 5 naah Covington a mitko a thi, tlawm erawh a tumlo. Nimahsela champion lai Usman-an ngil taka hnek chhuakin a hnek thlu leh, Covington-an inven tumin wrestling takedown tum viau mahse, Usman-an a chhu zui mawlh mawlh a, champion lai chu Kamaru Usman a ni chhunzawm.

Featherweight Champion thar Volkanovski

Max Holloway chuan hun rei tak chhung champion tumin 'Blessed Era' chhunzawm tum viau mahse, amah chotu Volkanovski lakah erawh round hmasa ber atangin a dinhmun a derthawng a tih theih ang. Round khatna atang Volkanovski-an a ke a lek chhuak zing mawlh mawlh bawk a,Holloway a kaiza bawr ah a ri thlep thlep a, round an khel chho, Holloway-a hian Orthodox stance atang southpaw stance-ah a din dan a thlak hial a, round tawp berah Holloway-an nawr viau mahse, round hmasa pali ah Volkanovski-a leg kick na tak tak a dawng hnem si a, champion thar chu Alexander Volkanovski anih a ngai ta si .

Amanda Nunes a ropui zual zel

Hmeichhe Bantamweight Champion Amanda Nunes leh Randamie insual a hmuhnawm hle bawk a, insual an tan tih velah Nunes-in a hnek thle deuh awr a, Randamie erawh a invengthiam nasa si a, Nunes-in a hnek fuh thei ta si lo, chiang zetin a paihthlu, a hnek zui nghal , a kiu a hmang leh thin, round khatna ah a tawp mai dawnin lang mahse round hmasa ber a zo ta si. Second round-ah Randamie-in a a ke sang taka lek chhuakin Nunes-i lu bawrah a fuh, a khup hmanga do zuiin Nunes-i chak tawhlo turin a lang hman, tawnhriat a ngah tawhna hmang tangkaiin a paihthlu thei hram. An khel chho leh mawp mawp , Amanda Nunes-in a paihthlu zela, tum khat phei chu nalh zet maiin Randamie-in triangle choke hmangin a man fuh ta thut, mipui thawm a ring tha hman viau a, Nunes a talchhhuak thei hram. Nunes-i hian stand up game-ah a hnehlo tih a hre si, wrestling game ngawr ngawr hmangin a khel, a paihthlu zela, decision hmangin a title a humhim.

Insual langar dang

Bantamweight bout hmuhnawm takah a vawi khatna atan Jose Aldo chuan number 1 contender Marlon Moraes a hmachhawn a, round hmasa berah Moraes-an a high kick hmangin a pet thlu teuh hle, Aldo a invengthiam hlauh. First round chaklo mahse second round-ah Aldo a che tha chho a, third round-ah pawh Aldo-an a nawr char char a, round tawp trep tihah Moraes-an a rawn khawih fuh leh ta zeuh zeuh. Hemi hnu hian split decision-in Moraes chakah puan a ni a, mipui lam erawh an lungawi chiahlo a ni ber. Aldo chakah an ngai ti ila, kan sawi sual lovang. Petr Yan a ropui zual zel a, UFC Legend Faber chu technical knockout-in a hneh bawk.

Main Card

Welterweight

Kamaru Usman (c) def. Colby Covington, TKO (punches) Round 5, 4:10

Featherweight

Alexander Volkanovski def. Max Holloway (c) ,Decision (unanimous) (48-47, 48-47, 50-45) Round 5, 5:00

Women's Bantamweight

Amanda Nunes (c) def. Germaine de Randamie, Decision (unanimous) (49-44, 49-46, 49-45) Round 5, 5:00

Bantamweight

Marlon Moraes def. José Aldo, Decision (split) (29-28, 28-29, 29-28)Round 3, 5:00

Bantamweight

Petr Yan def. Urijah Faber, KO (head kick)

Preliminary Card

Welterweight

Geoff Neal def. Mike Perry, TKO (head kick and punches)

Women's Bantamweight

Irene Aldana def. Ketlen Vieira, KO (punches)

Middleweight

Omari Akhmedov def. Ian Heinisch, Decision (unanimous) (29-28, 29-28, 29-28)

Welterweight

Matt Brown def. Ben Saunders, TKO (elbow and punches)