Khawvel nghahhlelh leh thlir chak UFC 241 chu a thleng dawn ta a, naktuk Pathianni zing dar 7:30 am atangin Sony Ten 2 channel-ah a en theih dawn. Main event-ah UFC Heavyweight kawnghren inchuhna hautak a thleng dawn a, champion lai Daniel Cormier leh Stipe Miocic-te an insual dawn a, title fight anih dawn avangin boruak a sang hle tura beiseina a sang viau. Co-main event-ah Lightweight Champion hlui Anthony Pettis leh Nate Diaz an insual dawn thung a, middleweight bout-ah tihrawl hlang pahnih Yoel Romero leh Paulo Costa an insual dawn nen. A hmuhnawm dawn tih a chiang a,en loh phal chi a ni lovang.
Khawvel nghahhlelh Daniel Cormier vs Stipe Miocic 2
Mixed Martial Arts fighter tha ber sawi dawn apiangin Fedor, Anderson Silva, Jon Jones leh Daniel Cormier hming kan sawilo thei awm lo e. Lightheavyweight Champion leh Heavyweight Champion ni kawp thei Daniel Cormier-a chuan a zawna vawi hnih Miocic a hneh hnu meuh chuan, khawvela fighter tha ber anga chhal anih tur thu a sawi zuia, a thil sawi hi a awm angreng viau.
Nimahsela UFC Heavyweight Champion belt humhim zing ber Miocic hneh erawh kawng awlsam a ni dawn lova, an intum hmasak hian Cormier-an 1st round-ah knockout hmangin hneh mah sela, a knockout hma zawnga an insual chhung erawh Miocic-an a thunun hneh angreng viau a, UFC 241-ah fighter tha zawk fiahin a awm dawn ta si.
Nate Diaz vs Pettis a hmuhnawm dawn
Main event a hmuhnawm dawn tih a chiang viau a, co-main event-ah pawh veteran fighter pahnih Nate Diaz leh Pettis an insual tur hian boruak a siam hle a, title fight ai pawha nghakhlel an awm nual.
Welterweight Fighter hnek thluk theihloh an tih hial Steven Wonderboy Thompson knockout hmanga hnehtu hmasa ber Anthony Pettis leh UFC Superstar Nate Diaz an innuai tur hi a hmuhnawm dawn tih a chiang a, chak tur rinthiam a har angreng viau. Diaz-a phei hi chuan social media kaltlangin Pettis a lo bei chiam tawh thin a, open workout an neih naah phei chuan 'weed' a la zu ham ham maia, a huphurhlo hle tihna pawh a tih theih ang. Octagon chhunga an innuai hunah erawh fighter tha zawk a hriat ngei dawn si.
Romero vs Paulo Costa
Tihrawl hlang pahnih insual tur a ni dawn a, tharum an nei dun bawk a, en loh phal chi a ni lo ang. MMA en thin tan chuan Romero leh Costa-te hi intihchakna damdawi hmang ngei ngei turin an ngai hlawm a, an hmanglo tih hmuh chhuah anih leh thin avangin awihlo tawk lah an awm nuk mai. Yoel Romero-a hian Octagon chhunga a inlan hnuhnun berin sawisel hlawh takin Whittaker a hneh lova, mi thenkhat phei chuan champion lai Whittaker-a aiin an dah sang zawk. Hetih lai hian a hmachhawn tur hi MMA record-ah hnehloh a la tawng lova, Octagon chhunga a inlan hnuhnun pahnihah Welterweight champion hlui Johny Hendricks leh UFC Veteran fighter Uriah Hall 2nd round naah technical knockout-in a hneh ve ve a, heta trang ringawt pawh hian fighter rothap tak a ni tih chu a chiang reng.
Fight Card
Heavyweight
Daniel Cormier (c) vs. Stipe Miocic
Welterweight
Anthony Pettis vs. Nate Diaz
Middleweight
Yoel Romero vs. Paulo Costa
Featherweight
Gabriel Benítez vs. Sodiq Yusuff
Middleweight
Derek Brunson vs. Ian Heinisch
Preliminary Card
Lightweight
Devonte Smith vs. Khama Worthy
Bantamweight
Raphael Assunção vs. Cory Sandhagen
Lightweight
Christos Giagos vs. Drakkar Klose
Catchweight (140 lbs.)
Manny Bermudez vs. Casey Kenney
Early Preliminary Card
Women's Strawweight
Hannah Cifers vs. Jodie Esquibel
Bantamweight
Kyung Ho Kang vs. Brandon Davis
Women's Flyweight
Sabina Mazo vs.Shana Dobson