Pathianni zing khan UFC 239 chu neih zawh a ni leh ta a, main event-a Jon Jones leh Thiago Santos insual hmuhnawm takah split decision-in Jones a chak a, fight langsar dangah Nunes leh Holly Holm an insual thung a, first round knockout-in Nunes a chak bawk. Main event aia mi tam takin an nghahhlelh Ben Askren vs Masdival-te insualah first round-ah second 5 lek tihah knockout hmangin Masvidal a chak bawk a, UFC record awm tawha knockout hmanga chak hma ber record a siam ta chiah a ni.
Jon Jones a ropui zual zel
Jones leh Santos insual dawn tih sawirik anih atang khan Jones chak tur chiangsa angah ngaih a ni hial. UFC 239-ah fighter pahnihte an insual ta, rin phak bakin Santos a khel tha a, round hmasa ber chu Santos a chak a tih theih ang. Second round naah Santos-an Jones pet nat a tum luatah a ke a tina palh ta hlauh a, duh angin Octagon chhungah a duhthusam angin a che thei ta lo thung. Round 3 leh 4-ah Jones-an Santos-a hnek phakloh turin a kick fuh zeuh zeuh a, hetih lai hian Thiago Santos-an combination hmangin Jones a hnek fuh leh thin a, Jones erawh a tuarchhel hle tih a hriat a, a buai phahlo thung. Round 5 naah Santos-an a hnek fuh leh thin, champion lai Jones a insiamrem zung zung thung a, a taksa lenna a hmang tangkai thiam hle a, split decision-in hnehna a chang a, light heavyweight champion a ni chhunzawm ta bawk.
Amanda Nunes a ropui zual zel
Co-main event-a insual tur Amanda Nunes leh Holly Holm-te chuan ngaihven a hlawh hle a, fighter ten Octagon an luh phat atangin mipui thawm a ring tha hle. Mipui lamin Holly Holm an au nasa a, chak ngei tur pawhin an duh hle tih a hriat. Round tir lamah Holm-in Nunes kuttum a veng hle a, nimahsela champion lai Nunes-in high kick hmangin a khawih fuh ta thut mai, hemi hnu hian hnek zui nghal mawp mawpin referee a inrawlh zui vat a, insual tihtawp a ngai ta thung. Heti hian Nunes-i hian an weight division-ah a tha zual ho a hneh fai ta vek a, MMA hmeichhe fighter piang tawh zinga tha ber anga chhal theih pawh a ni tawh mahna. Fight zawhah Nunes-i chuan 145 lbs title humhim a duh thu a sawi zui nghe nghe.
Ben Askren hneh hmasa bertu Masvidal
Main event aia nghahhlelh hial niin; fighter pahnihte hi an insual hma atang tawhin an incho tawn hle. Octagon chhunga dar a rik vel tihah Ben Askren-an Masvidal paihthluk tuma a rawn pan chu Masvidal-an chiang zet maiin a khup hmangin a do fuh ta, 'Welterweight Lalpa' an lo tih thin Ben Askren hi nikhaw hre lovin a awm zui a, Masividal-a hian vawi hnih hnek zuiin referee a inrawlh vat nghal a, second 5 chhung bak an insual hman ta lo. A vawi khat nan Askren hi a MMA career-ah a chak lova, UFC a lo luh hma hian a kalna apiangah welterweight champion ni thinin hneh thei an awm lo. Nikuma UFC-a a luh hnuah fight hnih nei tawhin a fight hmasa zawkah Robbie Lawler a hneh a, Masvidal-a lakah erawh second nga bak a daih ta lova, referee hian thelh hma phei se chu second 3 bak an insual hmanloh rin a ni hial.
Fight dang pawh a hmuhnawm
Light heavyweight bout hmuhnawm takah Luke Rockhold leh Jan Błachowicz an insual thung a, UFC Middleweight Champion hlui Rockhold-an round 2 naah Blachowicz-a left hook a dawng ta hlauh mai, hetah zet zawng a luhai ngang a niang, Octagon chhuatah tlu zui nghalin knockout hmangin Blachowicz a chak zuia, Rockhold chu light-heavyweight lama a fight hmasa berah a tlawm nghal. Main card hmasa berah Michael Chiesa leh Diego Sanchez an insual bawk a, round hmasa ber atangin a tawp thleng Chiesa a chungnung tluan a, unanimous decision-in hnehna a chang zui ta nghe nghe.
Main card
Lightheavyweight
Jon Jones (c) def. Thiago Santos, (Split Decision)
Bantamweight
Amanda Nunes (c) def. Holly Holm, TKO (head kick and punches)Round 1, 4:10
Welterweight
Jorge Masvidal def. Ben Askren, KO (flying knee and punches)Round 1, 0:05
Light Heavyweight
Jan Błachowicz def. Luke Rockhold, KO (punches)Round 2, 1:39
Welterweight
Michael Chiesa def. Diego Sanchez, Decision (unanimous) (30-26, 30-26, 30-26)Round 3,5:00
Preliminary card
Featherweight
Arnold Allen def. Gilbert Melendez, Decision (unanimous) (30-27, 30-27, 30-27)Round 3,5:00
Bantamweight
Marlon Vera def. Nohelin Hernandez, Submission (rear-naked choke) Round 2, 3:25
Women's Strawweight
Cláudia Gadelha def. Randa Markos, Decision (unanimous) (30-27, 30-27, 30-27)Round 3,5:00
Bantamweight
Yadong Song def. Alejandro Pérez, KO (punch)Round 1, 2:04
Early Preliminary card
Middleweight
Edmen Shahbazyan def. Jack Marshman, Submission (rear-naked choke)Round 1, 1:12
Welterweight
Chance Rencountre def. Ismail Naurdiev, Decision (unanimous) (29-27, 29-28, 30-27)Round 3,5:00
Women's Bantamweight
Julia Avila def. Pannie Kianzad, Decision (unanimous) (30-27, 30-26, 30-26)Round 3,5:00