Mixed Martial Arts khawvel nghahhlelh chu a thleng dawn ta a, India rama Pathianni zing dar 7:30 am atangin UFC 237 a chhuak dawn a, Sony Ten 2 channel-ah live-in pek chhuah a ni ang. Hemi fight card-a nghahhlelhawm ber chu Women's Strawweight Champion Rose Namajunas leh No. 1 contender Jessica Andrade intum tur hi a ni awm e. Main event-ah fighter te hi an innuai dawn a, hmaih phal chi a ni awm lo e.
Fight card hmuhnawm tak tak hmuh tur a awm dawn bawk a, UFC Middleweight Champion hlui Anderson Silva leh Jared Cannonier an insual dawn bawk. Kum 2012 atang khan Anderson Silva-a'n vawi khat chiah Octagon chhungah hnehna a chang a, heavyweight huanga khel thin Cannonier a tum tur hi fiahna hautak tak a ni dawn tih a chiang. Featherweight bout-ah Jose Aldo leh Alexander Volkanovski an innuai dawn a, mipui tam tak hmuh chak pawh a ni ngei ang. Title challenger hlui Thiago Alves leh Bethe Correia an inlan dawn bawk a, insual hmuhnawm tak ni ngei tura beiseina a sang viau.
Khawvel nghahhlelh Rose Namajunas vs Jessica Andrade
Hun eng maw chen chhung chu Octagon chhungah hmeichhe Strawweight Champion Rose Namajunas hmuh tur a awm lova, thir hung chhunga a kir leh hun chuan fighter rothap leh tharum ngah zet mai Jessica Andrade a hmachhawn dawn ta si. Namajunas-i hian champion ni turin first round chhung lekin Joanna Jedrzejczyk a hnek tlawm a, hemi hnu hian unanimous decision hmanga hnehin a title a humhim zui. Octagon chhunga a inlan loh laiin Jessica Andrade-i'n boruak a siam hle thung .Top contender pahnih Claudia Gadelha leh Karolina Kowalkiewicz a sawp hrep a, kan hma lawka UFC 237-ah pawh champion lai Rose Namajunas hneh tura ring an tam hle. Namajunas-i hian Octagon chhunga a inlan apiangin mipui lamin rinhlelhna an neih thin a paih thla hneh thei hle thung a, strawweight champion hlui Joanna Jedrzejczyk hnehlo turin an ring anih kha. Octagon chhunga an innuai meuh chuan round khat pawh an khelh zawh hmain technical knockout-in a hneh leh si a, champion a ni chhunzawm ta anih kha. UFC 237-ah fighter tha zawk a hriat dawn a, champion thar kan hmu dawn nge? Champion laiin a humhim kan hmu dawn? Octagon chhungah chauh a hriat theih dawn si.
Fights
Women's Strawweight
Rose Namajunas(C) vs Jessica Andrade
Middleweight
Jared Cannonier vs. Anderson Silva
Featherweight
José Aldo vs. Alexander Volkanovski
Welterweight
Thiago Alves vs. Laureano Staropoli
Catchweight (141 lbs.)
Irene Aldana vs. Bethe Correia
Preliminary card (ESPN)
Light Heavyweight
Antônio Rogério Nogueira vs. Ryan Spann
Lightweight
Thiago Moises vs. Kurt Holobaugh
Welterweight
Warlley Alves vs. Sérgio Moraes
Lightweight
B.J. Penn vs.Clay Guida
Early Preliminary card (UFC Fight Pass)
Women's Flyweight
Luana Carolina vs. Priscila Cachoeira
Bantamweight
Raoni Barcelos vs. Carlos Huachin
Women's Bantamweight
Talita Bernardo vs. Viviane Araujo