15 Nov 2015 08:33

Inkhel

Mizo Sports Website hmasa ber

​UFC 193-ah Holm-in Ronda a Knock Out

MELBOURNE, Australia - Etihad Stadium-a mipui sang tam tak pungkhawm hmaah Holly Holm chuan UFC Women's Bantamweight Champion lai Ronda Rousey chu second round-ah a knock out.

A khingpuite a hneh thin em avangin Ronda chungnung turah mi tam tak chuan an ngai, chutih laiin Kick Boxing leh boxing tawn hriat ngah em em Holly Holm that zia khawvelin a hai lo. First Round an khel a, Holly Holm a che tha nghal. Jab tha tak tak a thehchhuak a, Ronda hmai a fuh zauh zauh. A elbow dinglamin Ronda hmai a hnawih zauh bawk. First Round-ah Holly a chungnung zawk a, Ronda hmai a thi nghe nghe.

Standup-ah Holly a tha zawk, Ronda-in pawmchilh a tum apiangin Holly a tawlhsawn zel a, Second Round-ah Ronda chuan a attack pup pup, chutih laiin Holly Holm chuan hun remchang a zawng ran a. Chiang takin side kick Ronda hmaiah Holly chuan a pe, hemi hnu hian Jab a pe fuh leh zauh zauh. Ronda chuan pawm chilh a tum a, mawi em em leh zahthlak khawpin Holly Holm chuan a lo bum.

Hemi hnu hian Holm chuan Ronda khabeah chiang takin jab a pe fuh leh a, Ronda kechheh a phet, a tlu sawp tep, heta a rawn tho leh hi chiang em emin Holly Holm chuan Ronda khabe leh nghawng inkarah a pet. Ronda chu a thal ta ruah mai le. Holm chuan a um chhunzawm nghal a, a nghawngah a hnek a, a hmaiah hammer a pe leh a, a chum leh tur chu referee a lo tla zep, a duhthusamin a chum ta lo, a tawp ta, engkim a tawp ta. Champion lai Ronda chu a vawi khat nan hnehin a awm a. Second Round 59 seconds-ah Holly Holm chuan Champion lai Ronda Rousey a Knock Out ta a ni.

Ronda chu a vawi khat nan a tlawm ta a, (12-1 MMA, 6-1 UFC) record a nei ta. Holly Holm chuan (10-0 MMA, 3-0 UFC) record a nei ta bawk a. Engkimah Holly Holm a chungnung zawk a, a tir atanga a tum dan ang takin Holm chuan a khel chhuak kan ti thei awm e. Holly chuan amah tawiawmtu a chhungte leh coach tha tak a neih avanga a lawm thu a sawi a, an zir leh an tih tum zawng zawng a hlawhtlin thu a sawi bawk a ni.

UFC 193 results dang :

# Holly Holm def. Ronda Rousey via Knocked out at 2 Round (0:59)

# Joanna Jedrzejczyk def. Valerie Letourneau via unanimous decision

# Mark Hunt def. Antonio Silva via first-round TKO (3:34)

# Robert Whittaker def. Uriah Hall via unanimous decision

# Jared Rosholt def. Stefan Struve via unanimous decision

# Jake Matthews def. Akbarh Arreola via 2nd-round TKO (doctor) (5:00)

# Kyle Noke def. Peter Sobotta via first-round TKO (2:01)

# Gian Villante def. Anthony Perosh via first-round KO (2:56)

# Danny Martinez def. Richie Vaculik via unanimous decision (30-27 x3)

# Dan Kelly def. Steve Montgomery via unanimous decision (29-28 x3)

# Richard Walsh def. Steve Kennedy via unanimous decision (30-27 x2, 29-28)

# James Moontasri def. Anton Zafir via first-round TKO (4:36)

# Ben Nguyen def. Ryan Benoit via submission (rear-naked choke) (R1, 2:35)